Kritikët për filmin “Joker”: Mund të rrisë numrin e vrasjeve

Kritikët për filmin “Joker”: Mund të rrisë numrin e vrasjeve

“Joker” është lançuar në kinematë amerikane këtë javë dhe është përballur me një valë kritikash dhe protestash të cilët mendojnë se filmi mund të nxisë dhunë apo inkurajojë vrasjet.

Filmi i cili ka në rol protagonist Joaquin Phoenix, flet për një klloun që kryen një seri vrasjesh.

Ngjarjet zhvillohen në vitin 1981 dhe tregohet historia e një komedian i dështuar që gjen shpëtim duke u shndërruar në vrasës.

Shqetësimet për premierën e filmit janë të mëdha, kjo edhe për shkak të vrasjes masive të 2012 në Aurora të Kolorados, kur në natën e debutimit të “The Dark Knight Rises”, një tjetër film i Batmanit u vranë në kinema 12 persona dhe dhjetëra të tjerë u lënduan.

Nisur nga kjo, FBI dhe departamenti i sigurisë së brendshme paralajmëruan agjencitë e ruajtjes së rendit që të kenë nën vëmendje situatën, ndërkohë që qytetet më të mëdha kanë shtuar masat e sigurisë, për të parandaluar dhunën që mund të krijohet.

“Joker” është një prodhim i Warner Bros që në një deklaratë për shtyp ka thënë më herët se filmi nuk synon që ta shndërrojë këtë karakter në një hero.