Apeli i ambasadorit të BE-së për shqiptarët: Ju lutem, mos hiqni dorë

Apeli i ambasadorit të BE-së për shqiptarët: Ju lutem, mos hiqni dorë

Kreu i delegacionit të Bashkimit Evropian në Tiranë, ambasadori Luigi Soreca ka deklaruar sot se Shqipëria dhe Maqedonia e Veriut nuk janë fajtore për mosdakordësinë e vendeve anëtare të BE për hapjen e negociatave.

Duke cituar deklaratën e Presidentit të Këshillit Europian, Donald Tusk, Soreca thekson se, “Maqedonia e Veriut dhe Shqipëria nuk janë fajtorë për këtë”.

“Sot unë do të doja t’ju dërgoja një mesazh miqve tanë në Shqipëri dhe Maqedoninë e Veriut, ju lutem mos hiqni dorë”, thekson ai.

“Unë nuk kam asnjë dyshim absolutisht se një ditë do të bëheni anëtarë të plotë të Bashkimit Evropian”, përfundon ai./ATSH/