Protestë para MASHT-it për shkak të mbylljes së shkollave në Kamenicë

Protestë para MASHT-it për shkak të mbylljes së shkollave në Kamenicë

Banorët e Busavatës së Kamenicës, sot protestojnë para ministrisë së Arsimit kundër reformës së iniciuar nga kryetari Qendron Kastrati për mbylljen e disa shkollave në këtë komunë.

Ata protestuan edhe ditë më herët kundër reformës arsimore në këtë komunë, e cila parasheh mbylljen e 19 shkollave në zonat rurale dhe dërgimin e fëmijëve në shkolla përreth.

Drejtoria e Arsimit në Kamenicë ka bërë të ditur se pavarësisht protestave të banorëve, qëndrimi i tyre për reformat arsimore nuk ndryshon.

Edhe kryetari i Kamenicës, Qëndron Kastrati, pati deklaruar se vendimi për riorganizimin në arsim nuk ka prapavijë politike, por “kjo bëhet për të mirën e fëmijëve”.

Ndryshe, protesta e banorëve të fshatit Busavatë mbahet sot para objektit të Ministrisë së Arsimit duke filluar nga ora 11:00.

Autor: RTKlive