Parada e qenve- Të veshur si Rihanna për Halloween

Parada e qenve- Të veshur si Rihanna për Halloween

Të gjithë sytë drejt miqve më të mirë të njeriut!

Qen të veshur si Rihanna, Greta Thunberg apo Regani i Exorcist, morën pjesë në paradën e përvitshme të Halloween-it, e gjitha për qentë, në sheshin Tompkins në Nju Jork.

Ishin me qindra njerëzit që i shoqëronin qentë në paradë apo që edhe thjeshtë argëtoheshin duke i parë ata. Të moshuar dhe të rinj, me qen apo jo, parada ishte në vetvete një super spektakël.

Shumë prej pronarëve kishin zgjedhur të vishnin kostume njësoj si qentë e tyre pavarësisht se pohojnë se parada nuk është për ta por për miqtë e vegjël me katër këmbë. Kishte nga ata që kishin zgjedhur për qentë e tyre kostume që i kishin bërë vetë, duke i bërë ata si Dracula, Snoopy e të tjerë.

Në përfundim kishte edhe çmime për qentë me kostumet më të mira dhe të gjithë, edhe ata që nuk fituan, morën në shtëpi nga një çantë me ushqim qensh.


MË SHUME NGA Kuriozitete