Si ta mposhtni ftohjen?

Si ta mposhtni ftohjen?

Ato mikrobet e padukshme që na sëmurin nuk janë lojë, por ja që për fat të mirë ekzistojnë shërues që ia vlen t’i provoni! A e ke ditur që ka më se 200 lloje virusesh që përbëjnë ftohjen e zakonshme.

Kështu që edhe po qe se shkon te mjeku dhe pyet për ndonjë medikament që të të ndihmojë të shërohesh, prapëseprapë është vështirë të dihet se cili nga këto 200 viruse të ka sëmurë! Kjo është arsyeja pse duhet të lexosh këto këshilla që ndihmojnë kundër ftohjes.

Çaj të nxehtë me limon: 

Njëra nga pijet më të mira kur të ftohesh është çaji i nxehtë me limon dhe mjaltë. Mjalti ndihmon duke sjellë lagështi – kështu që kur të kesh kollë të thatë ia vlen të hani një lugë mjaltë sepse i jep fytit lagështinë e duhur. Si mjalti ashtu edhe limoni përmbajnë antioksidues. Antioksiduesit luftojnë radikalët e lirë që gjenden në trup. Këta radikal të lirë sulmojnë trupin dhe shkaktojnë sëmundje, kështu që të hash ushqime të pasura me antioksidues ju ndihmon të trajtoni dhe parandaloni sëmundjen. Mjalti është shërues efektiv i fytit të skuqur për shkak se vret bakteret që shkaktojnë infeksionin. Edhe limoni përmban kualitetet antibakteriale, duke pirë ujë me limon, bakteret nxirren jashtë nga veshkat dhe trakti urinar. Vetëm limoni me mjaltë mund të luftojnë bakteret por kur i kombinon me ujë të pijshëm ju do keni koktej të fuqishëm antibakterial.

Pushimi: 

Në krye të listës së shëruesve më të mirë të ftohjes është vetë pushimi. Asgjë nuk shëron më mirë se pushimi! Nganjëherë në jetën tona jemi tepër të nxënë, pa marrë parasysh se sa jemi të sëmurë prapë vazhdojmë me punë e gjëra tjera të përditshme deri sa na lodh mirë aq sa më nuk mundemi të funksionojmë si duhet! Kjo është shumë e keqe! Kjo në të vërtetë të sëmurë më shumë, por e di që nganjëherë thjeshtë na duhet të vazhdojmë sepse e kërkon puna dhe vendi. Por dije se do të befasohesh se sa mirë të bën pushimi ty dhe shëndetit tuaj. Kështu që mos harro të shtrihesh e të pushosh herëve tjera po deshe t’i lejosh trupit ta mundë virusin vetvetiu.

Avullimi: 

Njëra nga mënyrat më të mira natyrale të lirimit të kongjestionit është përmes një banje me ujë të nxehtë avullues… lësho ujin e nxehtë të derdhet rrjedhimisht në vaskë për ca minuta. Mbyll derën e banjës dhe lejoi avullit të bëjë punën e tij. Avulli i nxehtë ndihmon në zbutjen e mukozës dhe këlbazës që ua shkakton kongjestionin. Gjithashtu ndihmon në lirimin e kanaleve të sinuseve. Edhe pse kjo mund t’ju dhurojë çlirim të përkohshëm, prapëseprapë ia vlen të provohet që ta çlirosh veten.

Bonbone kolli: 

Bonbonet për kollë ndihmojnë për zbutjen e fytit të skuqur që mund të kesh nga ftohja e zakonshme. Nga e gjithë kollitja e tepërt, teshtitjet dhe kongjestioni, bonbonet për kollë ju ndihmojnë që përkohshëm të zbutni çfarëdo shqetësimi që mund të kesh. Edhe pse bonbonet e kollit nuk kanë përbërës që do ta largonin ftohjen plotësisht, ato vijnë në shije të ndryshme si ajo me mjaltë dhe limon, mentol, qershi etj. Secila shije ju ofron zbutjen e simptomave kurdo që ju duhet.