Ish-presidenti bolivian mbërrin në Meksikë për azil politik

Ish-presidenti bolivian mbërrin në Meksikë për azil politik

Të dielën, Morales u tërhoq pasi nga ushtria iu kërkua të lëshonte postin, pasuar nga protestat që kërkonin dorëheqjen e tij.

Ish-presidenti bolivian, Evo Morales, ka mbërritur në Meksikë pasi iu dha azili politik.

Të dielën, pasi iu kërkua nga ushtria Morales u tërhoq nga detyra, vendim i cili pasoi nga protestat që kërkonin dorëheqjen e tij.

Qeveria meksikane njoftoi se do t’i ofrojë ish-presidentit azil në ditën kur ai u tërhoq. Sekretari i jashtëm meksikan, Marcelo Ebrard, në një konferencë për media tha se kërkesa për azil është bërë zyrtare.

“Meksika ka vendosur t’i japë azil për shkaqe humanitare. Në Bolivi, jeta dhe integriteti i tij janë në rrezik”, tha Ebrard.

Në një mesazh të hënën, Morales i premtoi vendit të tij se ai përfundimisht do të kthehet në Bolivi me më shumë “forcë dhe energji”.

“Vëllezër dhe motra, jam duke shkuar në Meksikë, mirënjohës për sinqeritetin e qeverisë së këtyre vëllezërve që na dhanë azil për të shpëtuar jetën tonë. Më dhemb largimi nga vendi për arsye politike”, shkroi Morales në Twitter.