Nis rinumërimi i 1 mijë e 428 vendvotimeve, QNR punon me dy ndërrime

Nis rinumërimi i 1 mijë e 428 vendvotimeve, QNR punon me dy ndërrime

Në Qendrën e Numërimit dhe Rezultateve ka filluar rinumërimi i 1 mijë 428 vendvotimeve, për të cilat ka marrë vendim që të rinumërohen PZAP.

Zëdhënësi i KQZ-së Valmir Elezi u shpreh se janë 1 mijë e 428 vendvotime që do të rinumërohen dhe se kanë shtuar kapacitetet në mënyrë që rinumërimi të përfundojë sa më shpejt.

Elezi tha se KQZ po mundohet që sa më shpejt të përmbyllet procesi i rinumërimit, e për këtë ai tha se kanë shtuar numrin e tavolinave të numërimit.

Rinumërimi i 1 mijë e 428 vendvotimeve, Elezi tha se përbëjnë 56 për qind të vendvotimeve në nivel vendi. Ndërsa duke përfshirë edhe vendvotimet që më herët janë rinumëruar, ai tha se i bie që janë rinumëruar 89 për qind e vendvotimeve.

PZAP të hënën ka vendosur që të urdhërojë KQZ-në për rinumërimin e 1472 vendvotimeve pas ankesave të pranuara nga subjektet politike që gjithsej ishin 102, si dhe ta pranojë të bazuar ankesën e parashtruar nga Koalicioni Nisma – AKR – PD, që të largojë nga rezultati përfundimtar votat e ardhura nga Serbia.