Pastrohet ambienti përreth liqenit në Mirushë

Pastrohet ambienti përreth liqenit në Mirushë

Nën organizim të Shoqatës së Peshkatarëve Sportiv “Sykuqi” në Malishevë, në bashkëpunim me Komunën e Malishevës, njësinë e kompanisë për menaxhimin e mbeturinave “Ekoregjioni”, atë të zjarrfikësve dhe nxënësit e SHFMU “Labinot Krasniqi” në Mirushë, është pastruar ambienti përreth liqenit në Mirushë.

Në këtë aksion morën pjesë edhe kryetari i Malishevës, Ragip Begaj, kryetari i Federatës së Peshkatarëve të Kosovës, Bashkim Krasniqi dhe zyrtarë të tjerë komunal.

Begaj, i ka përkrahur i ka përkrahur të gjithë pjesëmarrësit e aksionit.

 

Bëhet e ditur se ambienti përreth liqenit në Mirushë, ndonëse jo shumë i ndotur, në vazhdimësi mbikëqyret nga Shoqata e Peshkatarëve “Sykuqi” në Malishevë, të cilët krahas aktiviteteve të përditshme, organizojnë edhe aksione të pastrimit të ambientit. “I falënderoj të gjithë për pjesëmarrje në  këtë aksion dhe në të njëjtën kohë, ju bëj thirrje të gjithë atyre që e vizitojnë liqenin, ta ruajnë ambientin”, ka thënë kryetari shoqatës së peshkatarëve “Sykuqi”, Avdullah Paçarizi.


MË SHUME NGA Nacionale