Si të ktheni në gjendjen fillestare rrobat që tkurren në larje

Si të ktheni në gjendjen fillestare rrobat që tkurren në larje

U ka ndodhur edhe amvisave me më shumë përvojë. Një gabim i vogël mund t’ju kushtojë pulovrin e preferuar. Zakonisht, rrobat që përfundojnë nga masa M dhe L në masa për të sapolindur, ose i hedhin, ose zënë vend kot në dollap.

Pas një kërkimi, gjetëm mënyrën se si të risillni në masën e tyre normale rrobat që “hyjnë” në ujë.

Hapat që duhet të ndiqni:

Mbushni 2 legenë me ujë të vakët. Në njërin hidhni shampon për fëmijë dhe përzieni lehtë me dorë, pa krijuar shkumë.

Vendoseni rrobën që është “shkatërruar” pa e zhytur. Lëreni në ujë për rreth 15 minuta, në mënyrë që të thithë shampon sa më mirë.

Pasi të kalojnë 15 minuta, nxirreni me kujdes dhe vendoseni te legeni tjetër me ujë. Këtë herë mund ta zhysni me duar. Lëreni për pak sekonda atje dhe në vazhdim nxirreni nga uji me kujdes.

Vendoseni rrobën mbi një peshqir dhe mbështilleni me të, në mënyrë që të pijë shumicën e ujit.

Filloni ta hapni rrobën me duart tuaja, duke i dhënë formën fillestare.