Barcelona gjen zëvendësuesin e Suarez

Barcelona gjen zëvendësuesin e Suarez

Barcelona ka gjetur lojtarët që mund ta zëvendësojnë sulmuesin Luis Suarez.

Uruguaiani ka mbushur 32-vjeç dhe karrierës së tij me kampionin e Spanjës është duke i ardhur fundi. Kjo gjë ka bërë që klubi blaugranas të kërkojë zëvendësuesin e tij adekuat.

Sulmuesi i Interit, Lautaro Martinez vazhdon me formën e shkëlqyer te “neurazurët” gjë ka bërë të fitojë vëmendjen e klubit spanjoll. Interi për 22-vjeçarin pritet të kërkojë rreth 200 milionë euro, mirëpo drejtori sportiv i Barcelonës, Eric Abidal, është duke u munduar ta transferojë argjentinasin për 100 milionë euro në fund të sezonit.

Tjetër lojtar është ylli i RB Salzburg, Erling Haaland, për të cilin po tregojnë interesim shumë gjigantë evropian, ndër ta edhe Real Madrid.

19-vjeçari ka shënuar 26 gola këtë sezon, gjë që ka bërë të tregojë kualitetin e norvegjezit.