Krasniqi tregon pse iu drejtuan Kushtetueses për votat e ardhura me vonesë

Krasniqi tregon pse iu drejtuan Kushtetueses për votat e ardhura me vonesë

Kryetari i Këshillit Kombëtar të Nisma’s Socialdemokrate, Jakup Krasniqi ka thënë se kanë kërkuar nga Gjykata Kushtetuese të vlerësojë kushtetueshmërinë e vendimit të Gjykatës Supreme për votat me postë të cilat kanë ardhur me vonesë sipas Ligjit për Zgjedhje, i cili asnjëherë nuk është shpallur antikushtetues nga Gjykata Kushtetuese, pasiqë sipas tij vendimi i Gjykatës Supreme është arbitrar.


“Konsiderojmë se vendimi i Gjykatës Supreme është arbitrar sepse e interpreton nenin 3 të protokollit 1 si norme ligjore dhe jo normë kushtetuese. Prandaj kemi kërkuar nga gjykata kushtetuese të vertetojë nëse vendimi i gjykatës supreme është arbitrar dhe anikushtetues”, ka thënë Krasniqi për Indeksonline.

Ai beson se Gjykata Kushtetuese do të merr vendim për masë të përkohëshme deri në marrjen e vendimit për sqarimin e kushtetueshmërisë të vendimit të Gjykatës Supreme në lidhje me votat me postë të ardhura me vonesë.


MË SHUME NGA Aktuale