Gjobiten disa markete në Kamenicë për produkte me afat të skaduar

Gjobiten disa markete në Kamenicë për produkte me afat të skaduar

Inspektorati Komunal gjatë punës në terren ka inspektuar të gjitha marketet e mëdha, të mesme dhe të vogla në Komunën e Kamenicës. Gjatë inspektimit të këtyre marketeve, Inspektori Sanitar dhe Veterinar në pesë markete në Kamenicë ka asgjësuar mall me afat të skaduar në vlerë mbi 200 euro si dhe janë gjobitur disa markete, ku vlera e një gjobe arrin në 400 euro.

Inspektorati Komunal u ka bërë thirrje të gjitha marketeve që të kenë kujdes dhe të mos mbajnë produkte pa afat të cilat mund të dëmtojnë shëndetin e konsumatorëve.

Shefi i Inspektoratit në Kamenicë, Liridon Beqiri, ka thënë se inspektorati gjatë këtij viti do të jetë shumë aktiv. “Inspektorati do të jetë aktiv duke inspektuar të gjitha bizneset të cilat nuk respektojnë ligjet dhe do të shqiptohen gjoba për ta”, ka thënë Beqiri.


MË SHUME NGA Nacionale