Bytyqi priti përfaqësuesit e Bankës Botërore

Bytyqi priti përfaqësuesit e Bankës Botërore

Ministri në detyrë i Arsimit, Shkencës dhe Teknologjisë (MAShT), Shyqyri Bytyqi ka pritur sot përfaqësues të Bankës Botërore, me të cilët ka biseduar rreth ecurisë së projektit ESIP “Përmirësimi i Sistemit Arsimor në Kosovë”, të financuar nga Banka Botërore.

Angela Demas nga Banka Botërore e informoi Ministrin se në këtë projekt, i cili ka qenë në rrezik të mbyllet si projekt gjatë pjesë së parë të vitit 2019, të gjitha objektivat janë arritur tashmë, e në veçanti ka përfunduar me sukses ndarja e granteve zhvillimore për shkollat.

Përfaqësuesit e BB falënderuan stafin e MAShT, në veçanti Kabinetin e Ministrit dhe shefin e Kabinetit, Baton Dushi, i cili ka bërë një punë të jashtëzakonshme që gjërat të lëvizin pozitivisht dhe ky projekt i rëndësishëm për sistemin arsimor në Kosovë të vazhdojë të implementohet.

Ministri Bytyqi falënderoi Bankën Botërore për ndihmën që i kanë dhënë arsimit në Kosovë vazhdimisht, e në veçanti për ndihmën e dhënë në implementimin e projektit ESIP, si dhe për mirëkuptimin e treguar gjatë periudhës së vështirë të këtij projekti.

Ministri Bytyqi, poashtu falënderoi gjithë stafin e MASHT dhe BB që ka punuar në këtë projekt, ndërsa theksoi se do të japë ndihmën e tij për aq kohë sa do të jetë në detyrë, në mënyrë që të realizohen edhe planet e parapara për këtë vit në kuadër të projektit.