{"id":6596,"date":"2024-10-24T22:21:07","date_gmt":"2024-10-24T20:21:07","guid":{"rendered":"https:\/\/rtklive.com\/festivali\/?p=6596"},"modified":"2024-10-24T23:37:19","modified_gmt":"2024-10-24T21:37:19","slug":"fest-2-sjell-kenge-e-spektakel","status":"publish","type":"post","link":"https:\/\/www.rtklive.com\/festivali\/fest-2-sjell-kenge-e-spektakel\/","title":{"rendered":"P\u00ebrfundon nata e par\u00eb e Festivalit t\u00eb K\u00ebng\u00ebs n\u00eb RTK| VIDEO"},"content":{"rendered":"

(Plot\u00ebsuar, 23:10) Ka p\u00ebrfunduar nata e par\u00eb e edicionit t\u00eb dyt\u00eb t\u00eb Festivalit t\u00eb K\u00ebng\u00ebs n\u00eb Radiotelevizionin e Kosov\u00ebs. Festivalin e kan\u00eb prezantuar Genc Salihu dhe Drita Kabashi, derisa krahas 16 k\u00ebng\u00ebve konkurrente k\u00ebt\u00eb mbr\u00ebmje me prezenc\u00ebn e tyre n\u00eb sken\u00eb e kan\u00eb madh\u00ebshtuar Ylli Limani, Elita 5 dhe Aurela Ga\u00e7e.<\/strong><\/p>\n

Trofeu fitues i k\u00ebtij edicioni \u00ebsht\u00eb \u2018Diamanti Blu\u2019, q\u00eb \u00ebsht\u00eb nj\u00eb simbolik p\u00ebr Kosov\u00ebn, flamurin dhe kalt\u00ebrsin\u00eb e saj. Nd\u00ebrkoh\u00eb, juria e festivalit p\u00ebrb\u00ebhet nga Minire Fetahu, kryetare e juris\u00eb, Jane Sugarman, Ardiana Pajaziti, Valbona Selimllari dhe Blerta Zeqiri.<\/p>\n

Para fillimit t\u00eb festivalit nga Festim Kabashi dhe F\u00ebll\u00ebnza \u00c7itaku jan\u00eb lexuar poezi t\u00eb Gjergj Fisht\u00ebs, Faik Konic\u00ebs, Fan Nolit, At\u00eb Zef Pllumit dhe Ukshin Hotit, e t\u00eb cilat i p\u00ebrgjigjen edhe periudh\u00ebs s\u00eb sotme dhe th\u00ebrrasin p\u00ebr unitet komb\u00ebtar.<\/p>\n

N\u00eb festival kan\u00eb performuar\u00a016 artist\u00eb, duke nisur me Dea Stric\u00ebn\u00a0me k\u00ebng\u00ebn “N’Shqipni”, p\u00ebr t\u00eb vazhduar me Greta Azizi me “Veres”, Agim Poshka me “Ndarja erdhi”, Jehona Lumi me “Shko”, Inorga me “Seks mashina nga Prishtina”, Rei Bezhani me “Zonj\u00eb tradhti”, Ardita Begu me “Fundosu n\u00eb drit\u00eb”, Besmir Shishko me “Un\u00eb Ajo”, Blendi Kaso me “Nj\u00eb t\u00eb vetme ka n\u00eb jet\u00eb”, Endrit Krasniqi me “Flas\u00eb me gjethen”, Ardit Stafaj “Faji”, Santino De Bartola me “Un\u00eb jam Arb\u00ebresh”, Arnite Kastrati me “Blla blla”, Vlona Boshnjaku me “Lot\u00ebt”, Luna Qausholli me “Dielli t\u00eb m\u00eb shoh” dhe Bruna Sata me k\u00ebng\u00ebn “Ti je i pashpirt\u00eb”.<\/p>\n

Secila prej k\u00ebng\u00ebve pati ve\u00e7orit\u00eb e saj dhe tek publiku solli emocion, derisa juria profesionale edhe gjat\u00eb dy net\u00ebve tjera do t\u00eb ket\u00eb mund\u00ebsi t’i d\u00ebgjoj\u00eb performancat e k\u00ebng\u00ebtar\u00ebve pjes\u00ebmarr\u00ebs p\u00ebr t\u00eb dh\u00eb vler\u00ebsimin sa m\u00eb real n\u00eb fund t\u00eb festivalit.<\/p>\n

N\u00eb sken\u00eb u ngjit\u00a0edhe fituesi i edicionit t\u00eb kaluar La Fazani me k\u00ebng\u00ebn \u201cOj Kosov\u00eb\u201d, derisa nj\u00eb interpretim t\u00eb shk\u00eblqyesh\u00ebm e pati prezantuesja e festivalit, aktorja Drita Kabashi, e cila k\u00ebndoi k\u00ebng\u00ebn \u201cMall\u00ebngjimi\u201d t\u00eb k\u00ebnduar dikur nga Muharrem Qena.<\/p>\n

Transmetimi i drejtp\u00ebrdrejt n\u00eb RTK filloi\u00a0qysh n\u00eb or\u00ebn 20:10 me pritjen e t\u00eb ftuarve n\u00eb tepihun e kuq t\u00eb Pallatit t\u00eb Rinis\u00eb, nd\u00ebrsa festivali u hap\u00a0n\u00eb ora 21:00.<\/p>\n

Fituesi i edicionit t\u00eb par\u00eb, Arb\u00ebr Salihu (La Fazani) para fillimit t\u00eb edicionit t\u00eb dyt\u00eb u shpreh se \u00ebsht\u00eb ndjenj\u00eb e mir\u00eb t\u00eb kthehet n\u00eb k\u00ebt\u00eb event, por tani si spektator.<\/p>\n

\u201c\u00cbsht\u00eb sukses i jasht\u00ebzakonsh\u00ebm q\u00eb kemi arritur ta b\u00ebjm\u00eb k\u00ebt\u00eb festival dhe po m\u00eb b\u00ebhet zemra mal q\u00eb po ka vazhdim\u00ebsi. Shpresoj q\u00eb do t\u00eb shkoj\u00eb duke u b\u00ebr\u00eb mir\u00eb e m\u00eb mir\u00eb \u00a0\u00e7do vit. Definitivisht \u00ebsht\u00eb ndjenj\u00eb fantastike t\u00eb jesh pjes\u00eb e k\u00ebtij festivali. P\u00ebr mua ka qen\u00eb nj\u00eb gj\u00eb shum\u00eb e bukur q\u00eb m\u00eb ka ndodhur n\u00eb karrier\u00ebn time. Vitin e kaluar krejt java e festivalit \u00ebsht\u00eb q\u00eb s\u2019do ta harroj. P\u00ebrmes k\u00ebtij festivali kam njoftuar shum\u00eb njer\u00ebz q\u00eb m\u00eb kan\u00eb sh\u00ebrbyer gjat\u00eb t\u00ebr\u00eb vitit p\u00ebr bashk\u00ebpunime t\u00eb ndryshme. Skena \u00ebsht\u00eb shum\u00eb e mir\u00eb dhe t\u00eb performosh n\u00eb nj\u00eb k\u00ebso skene madh\u00ebshtore gjithsesi q\u00eb ka qen\u00eb k\u00ebnaq\u00ebsi e madhe\u201d, ka theksuar Salihu.<\/p>\n

Nd\u00ebrkaq, kryetarja e Bordit t\u00eb RTK-s\u00eb, Albulena Mehmeti gjat\u00eb parakalimit n\u00eb tapetin e kuq ndau disa momente p\u00ebr teleshikuesit e RTK-s\u00eb. Ajo tha se ndjen k\u00ebnaq\u00ebsi q\u00eb \u00ebsht\u00eb pjes\u00eb e k\u00ebtij festivali. \u201cJam shum\u00eb e lumtur q\u00eb kam qen\u00eb pjes\u00eb e Bordit t\u00eb RTK-s\u00eb n\u00eb koh\u00ebn kur \u00ebsht\u00eb konkretizuar ideja p\u00ebr themelimin e Festivalit t\u00eb K\u00ebng\u00ebs. Bordi ka luajtur nj\u00eb rol thelb\u00ebsor dhe vendimmarr\u00ebs p\u00ebr organizimin dhe themelimin e k\u00ebtij festivali, duke aprovuar rregulloren e tij dhe pastaj me sukses duke negociuar p\u00ebr memorandumin me MKRS-n\u00eb\u201d, ka theksuar ajo.<\/p>\n

Mehmeti ka fal\u00ebnderuar ministrin e Kultur\u00ebs, Hajrulla \u00c7eku q\u00eb ndau buxhetin p\u00ebr realizimin e k\u00ebtij festivali, derisa lavd\u00ebroi pun\u00ebn e stafit n\u00eb organizimin e edicionit t\u00eb dyt\u00eb.<\/p>\n

\u201cSi kryetare e Bordit kam pasur k\u00ebnaq\u00ebsin\u00eb q\u00eb t\u00eb shoh nga af\u00ebr punimet e organizimit t\u00eb k\u00ebtij festivalit dhe jam e impresionuar me pun\u00ebn e stafit t\u00eb RTK-s\u00eb dhe bashk\u00ebpun\u00ebtor\u00ebve n\u00ebn udh\u00ebheqjen e drejtorit Adi Krasta\u201d, shtoi ajo.<\/p>\n

Festivali i K\u00ebng\u00ebs u transmetua drejtp\u00ebrdrejt n\u00eb RTK 1, RTK 2, Radio Kosova dhe n\u00eb platformat digjitale t\u00eb transmetuesit publik, duke ofruar mund\u00ebsi t\u00eb gjer\u00eb p\u00ebr ndjekjen e k\u00ebtij eventi nga t\u00eb gjith\u00eb.<\/p>\n

Nata e dyt\u00eb mbahet t\u00eb premten n\u00eb or\u00ebn 21:00, derisa nata finale t\u00eb shtun\u00ebn n\u00eb t\u00eb nj\u00ebjt\u00ebn koh\u00eb.<\/p>\n