{"id":6808,"date":"2025-09-24T14:09:15","date_gmt":"2025-09-24T12:09:15","guid":{"rendered":"https:\/\/rtklive.com\/festivali\/?p=6808"},"modified":"2025-09-24T14:10:40","modified_gmt":"2025-09-24T12:10:40","slug":"salihu-festivali-i-kenges-ne-rtk-rikthim-i-tradites-dhe-shije-vendore","status":"publish","type":"post","link":"https:\/\/www.rtklive.com\/festivali\/salihu-festivali-i-kenges-ne-rtk-rikthim-i-tradites-dhe-shije-vendore\/","title":{"rendered":"Salihu: Festivali i K\u00ebng\u00ebs n\u00eb RTK, rikthim i tradit\u00ebs dhe shije vendore"},"content":{"rendered":"
\n
\n
\n
\n
\n

N\u00eb prag t\u00eb edicionit t\u00eb tret\u00eb t\u00eb Festivalit t\u00eb K\u00ebng\u00ebs n\u00eb RTK, skenaristi i k\u00ebtij edicioni, Genc Salihu, e sheh k\u00ebt\u00eb ngjarje si p\u00ebrpjekje p\u00ebr t\u2019i dh\u00ebn\u00eb muzik\u00ebs vendin q\u00eb e meriton n\u00eb sken\u00ebn kulturore t\u00eb Kosov\u00ebs.<\/p>\n

N\u00eb nj\u00eb intervist\u00eb p\u00ebr programin e m\u00ebngjesit n\u00eb RTK, ai theksoi se festivali synon t\u00eb krijoj\u00eb nj\u00eb hap\u00ebsir\u00eb ku k\u00ebnga dhe artist\u00ebt t\u00eb jen\u00eb n\u00eb qend\u00ebr t\u00eb v\u00ebmendjes, duke i dh\u00ebn\u00eb publikut nj\u00eb p\u00ebrvoj\u00eb q\u00eb, si\u00e7 thot\u00eb ai, vendi nuk e ka pasur m\u00eb par\u00eb. P\u00ebr Salihun, festivali \u00ebsht\u00eb jo vet\u00ebm gar\u00eb muzikore, por edhe shou televiziv, spektak\u00ebl artistik dhe rikthim i nj\u00eb tradite q\u00eb p\u00ebr shum\u00eb vite kishte munguar pas “Akordeve t\u00eb Kosov\u00ebs”.<\/p>\n

“Duhet me th\u00ebn\u00eb se m\u00eb e r\u00ebnd\u00ebsishmja e k\u00ebtij festivali, q\u00eb duhet ta ken\u00eb parasysh edhe regjisori, edhe konceptuesi, drejtori artistik, \u00ebsht\u00eb se ky festival \u00ebsht\u00eb pik\u00eb s\u00eb pari p\u00ebr k\u00ebng\u00ebn; t\u00eb krijohet hap\u00ebsira q\u00eb garuesit t\u00eb dalin komod\u00eb dhe t\u00eb ndihen komod\u00eb dhe publiku ta ket\u00eb v\u00ebmendjen te ata, pra q\u00eb ata t\u00eb jen\u00eb fokusi kryesor”, theksoi Salihu.<\/p>\n

Ai shtoi se \u00e7do edicion ka estetik\u00ebn dhe mesazhin e vet, t\u00eb kuruar nga ekipi realizues.<\/p>\n

“K\u00ebt\u00eb vit e kemi nj\u00eb tem\u00eb q\u00eb p\u00ebr mua \u00ebsht\u00eb shum\u00eb e q\u00eblluar, shum\u00eb personale dhe shum\u00eb af\u00ebr zemr\u00ebs. Ideja \u00ebsht\u00eb q\u00eb t\u00eb krijojm\u00eb ura me t\u00eb kaluar\u00ebn ton\u00eb q\u00eb sot ndoshta edhe e kemi harruar pak dhe ta japim k\u00ebt\u00eb mesazh n\u00eb form\u00eb artistike q\u00eb \u00ebsht\u00eb pjes\u00eb e k\u00ebtij vendi q\u00eb e quajm\u00eb Kosov\u00eb, ky vend ku sot jetojm\u00eb dhe punojm\u00eb”, shtoi ai.<\/p>\n

N\u00eb m\u00ebnyr\u00eb t\u00eb ve\u00e7ant\u00eb, Salihu p\u00ebrmendi edhe munges\u00ebn e festivaleve t\u00eb ngjashme nd\u00ebr vite: “I kemi pasur Akordet e Kosov\u00ebs, t\u00eb cilat kan\u00eb qen\u00eb ngjarja qendrore kryesore p\u00ebr nj\u00eb koh\u00eb shum\u00eb t\u00eb gjat\u00eb. Dhe kur kemi filluar jet\u00ebn si nj\u00eb vend funksional, un\u00eb gjithmon\u00eb kam qen\u00eb shum\u00eb i m\u00ebrzitur pse nuk po i kthejm\u00eb Akordet. Ka pasur festivale, por nuk e kan\u00eb plot\u00ebsuar at\u00eb kriter”, n\u00ebnvizoi ai.<\/p>\n

P\u00ebr m\u00ebnyr\u00ebn se si do t\u00eb vijn\u00eb n\u00eb sken\u00eb Akordet dhe \u201cKosova jon\u00eb e vjet\u00ebr\u201d, Salihu zgjodhi t\u00eb mos zbuloj\u00eb shum\u00eb: “Nuk do t\u00eb doja t\u00eb zbuloja shum\u00eb, por jam shum\u00eb i lumtur q\u00eb po bashk\u00ebpunoj me kompozitorin Florent Boshnjaku, i cili e ka edicionin e tret\u00eb q\u00eb po punon p\u00ebr k\u00ebt\u00eb festival. Ai \u00ebsht\u00eb nj\u00eb profesionist i hatash\u00ebm dhe \u00e7do projekt q\u00eb e merr, e qet n\u00eb drit\u00eb n\u00eb m\u00ebnyr\u00ebn m\u00eb t\u00eb mir\u00eb t\u00eb mundshme, dhe p\u00ebr k\u00ebt\u00eb jam shum\u00eb rehat dhe besoj q\u00eb do ta nxjerrim nj\u00eb festival shum\u00eb t\u00eb mir\u00eb”, tha tutje Salihu.<\/p>\n

Ai sqaroi se festivali ndjek nj\u00eb format t\u00eb ngjash\u00ebm me festivalet mesdhetare: “Festivale t\u00eb tilla ka Kroacia, ka Italia e t\u00eb tjer\u00ebt. Ky \u00ebsht\u00eb nj\u00eb format regjional i nj\u00eb pjes\u00eb t\u00eb Evrop\u00ebs, k\u00ebshtu q\u00eb secili nga k\u00ebto festivale i ngjan nj\u00ebri-tjetrit, n\u00eb kuptimin q\u00eb e ki nj\u00eb grumbull k\u00ebng\u00ebsh q\u00eb konkurrojn\u00eb dhe dikush do t\u00eb fitoj\u00eb. B\u00ebhet n\u00eb m\u00ebnyr\u00eb solemne, me nj\u00eb sken\u00eb t\u00eb madhe, me moderator\u00eb dhe orkest\u00ebr. K\u00ebshtu q\u00eb, n\u00eb at\u00eb aspekt, natyrisht q\u00eb ti je i ngjash\u00ebm, pra e plot\u00ebson nj\u00eb format q\u00eb e plot\u00ebsojn\u00eb edhe disa festivale t\u00eb tjera, si\u00e7 \u00ebsht\u00eb n\u00eb krye t\u00eb list\u00ebs Sanremo, q\u00eb \u00ebsht\u00eb kapedani i k\u00ebtij formati”, tha Salihu.<\/p>\n

Por, sipas tij, elementi lokal \u00ebsht\u00eb thelb\u00ebsor: “Bukuria e k\u00ebtij formati \u00ebsht\u00eb q\u00eb ta lejon ta \u2018kryp\u00ebzosh\u2019 me shijen lokale, t\u00eb cil\u00ebn ne po mundohemi q\u00eb ta thellojm\u00eb, q\u00eb t\u2019ia japim nj\u00eb shije m\u00eb shum\u00eb vendore festivalit ton\u00eb”.<\/p>\n

Ai shtoi se publiku n\u00eb Kosov\u00eb do t\u00eb p\u00ebrjetoj\u00eb di\u00e7ka t\u00eb re: “Publiku do t\u00eb p\u00ebrjetoj\u00eb di\u00e7ka q\u00eb n\u00eb Kosov\u00eb nuk \u00ebsht\u00eb p\u00ebrjetuar kurr\u00eb, q\u00eb \u00ebsht\u00eb p\u00ebr nj\u00eb vend m\u00eb t\u00eb zhvilluar di\u00e7ka e p\u00ebrditshme: t\u00eb \u00a0vesh\u00ebsh, t\u00eb parfumohesh dhe t\u00eb shkosh n\u00eb nj\u00eb sall\u00eb dhe ta shoh\u00ebsh nj\u00eb shfaqje shum\u00eb t\u00eb mir\u00eb, t\u00eb nj\u00eb niveli t\u00eb lart\u00eb artistik, gj\u00eb q\u00eb nuk e kemi pasur”, tha Salihu, i cili vitin e kaluar ishte edhe moderator i festivalit.<\/p>\n

Ai p\u00ebrmendi emocionet q\u00eb e kan\u00eb shoq\u00ebruar n\u00eb edicionin e kaluar: “Kam qen\u00eb aty \u00e7do minut\u00eb t\u00eb tri net\u00ebve t\u00eb festivalit dhe m\u00eb kapte nj\u00eb melankoli nga g\u00ebzimi q\u00eb e ndjeja q\u00eb po mundemi ta p\u00ebrjetojm\u00eb di\u00e7ka t\u00eb till\u00eb”. Ai n\u00eb fund tha se festivali \u00ebsht\u00eb mbi t\u00eb gjitha nj\u00eb shou televiziv: “Ky, pik\u00eb s\u00eb pari, \u00ebsht\u00eb nj\u00eb shou televiziv, pra edhe shikuesi brenda n\u00eb sall\u00eb \u00ebsht\u00eb p\u00ebr shikuesin televiziv. Pra, publiku vjen ta shoh\u00eb se qysh b\u00ebhet nj\u00eb shou p\u00ebr televizion dhe aty \u00ebsht\u00eb k\u00ebnaq\u00ebsia e publikut sepse ai e sheh \u00e7far\u00eb ndodh gjat\u00eb marketingut, kur drita e kuqe \u00ebsht\u00eb ndal, i sheh edhe gabimet kur ndodhin dhe gjith\u00e7ka tjet\u00ebr”.<\/p>\n

Nj\u00eb element unik i festivalit, sipas tij, \u00ebsht\u00eb performanca live: “Gjith\u00e7ka \u00ebsht\u00eb \u2018live\u2019, pra k\u00ebndohet dhe luhet gjith\u00e7ka aty. P\u00ebr k\u00ebt\u00eb e kemi tejkaluar testin dhe s\u2019ka pse t\u00eb ndodh\u00eb ndryshe. Edicioni i par\u00eb ka qen\u00eb test, i dyti ka qen\u00eb super mir\u00eb, tash i treti vazhdojm\u00eb tutje”, p\u00ebrfundoi Genc Salihu.<\/p>\n