{"id":6859,"date":"2025-10-28T16:20:06","date_gmt":"2025-10-28T15:20:06","guid":{"rendered":"https:\/\/rtklive.com\/festivali\/?p=6859"},"modified":"2025-10-31T16:20:57","modified_gmt":"2025-10-31T15:20:57","slug":"skenografia-e-fest-3-kraja-thote-se-frymezimi-lindi-nga-xhubleta","status":"publish","type":"post","link":"https:\/\/www.rtklive.com\/festivali\/skenografia-e-fest-3-kraja-thote-se-frymezimi-lindi-nga-xhubleta\/","title":{"rendered":"Skenografia e \u2018FEST 3\u2019, Kraja thot\u00eb se frym\u00ebzimi lindi nga xhubleta"},"content":{"rendered":"
\n
\n
<\/div>\n<\/div>\n<\/div>\n
\n
\n

Motive shqiptare t\u00eb g\u00ebrshetuara me elemente moderne do t\u00eb kompletojn\u00eb pamjen magjike t\u00eb skenografis\u00eb. Mjesht\u00ebria e Vesa Kraj\u00ebs ka filluar t\u00eb \u2018shkrihet\u2019 n\u00eb imazhin e edicionit t\u00eb tret\u00eb t\u00eb Festivalit t\u00eb K\u00ebng\u00ebs n\u00eb RTK.<\/strong><\/p>\n<\/div>\n

\n

 <\/p>\n

P\u00ebr nj\u00eb prej dimensioneve t\u00eb r\u00ebnd\u00ebsishme t\u00eb ngjarjes premtohet madh\u00ebshti. Sivjet ka ndryshime jo ve\u00e7 n\u00eb konceptin pamor, por edhe n\u00eb p\u00ebrfshirjen fizike t\u00eb Orkestr\u00ebs n\u00eb qend\u00ebr. Instrumentist\u00ebt sivjet nuk do t\u00eb jen\u00eb m\u00eb posht\u00eb sken\u00ebs kryesore, por t\u00eb p\u00ebrfshir\u00eb drejtp\u00ebrdrejt\u00eb n\u00eb t\u00eb.<\/p>\n

\u201cUn\u00eb si kostumografe i dua shum\u00eb veshjet tona shqiptare edhe duke punuar n\u00eb t\u00eb fillova val\u00ebzimet e veshjeve t\u00eb xhublet\u00ebs t’i marr\u00eb, aty ka filluar ideja e par\u00eb p\u00ebr skenografi. \u00cbsht\u00eb nj\u00eb pjes\u00eb q\u00eb kur ta shihni do t\u00eb kuptoni, un\u00eb kam dashur ta paraqes nj\u00eb pasuri ton\u00ebn. Un\u00eb s’kam shkuar ta ngarkoj me shum\u00eb detaje por aty ka lindur ideja p\u00ebr skenografin\u00eb\u201d, ka th\u00ebn\u00eb autorja e sken\u00ebs, Vesa Kraja n\u00eb nj\u00eb intervist\u00eb p\u00ebr Radio Kosov\u00ebn.<\/p>\n

\u201cJan\u00eb 36 metra skenografi bashk\u00eb me t\u00eb gjitha elementet. Edhe p\u00ebr neve skenografet \u00ebsht\u00eb fest\u00eb sepse kemi mund\u00ebsi t\u00eb krijojm\u00eb gjith\u00e7ka t\u00eb bukur\u201d, ka th\u00ebn\u00eb ajo.<\/p>\n

Kraja ka shtuar se kan\u00eb krijuar skenografin\u00eb duke pasur parasysh mund\u00ebsit\u00eb logjistike t\u00eb ngjarjes.<\/p>\n

\u201cUn\u00eb kur e mendoj skenografin\u00eb nisem me \u00e7ka kemi…kur ballafaqohemi me at\u00eb q\u00eb s\u2019e kemi n\u00eb treg nis\u00eb problemi. N\u00ebse kemi di\u00e7ka t\u00eb posa\u00e7me duhet t\u00eb mendohet vitin tjet\u00ebr si mund ta gjejm\u00eb. K\u00ebsaj radhe kemi shkuar me krejt \u00e7ka kemi\u201d, ka th\u00ebn\u00eb ajo p\u00ebr materialet e pun\u00ebs si skenografe\u201d, ka th\u00ebn\u00eb skenografia.<\/p>\n

P\u00ebrgatitjet p\u00ebr Festivalin e K\u00ebng\u00ebs jan\u00eb n\u00eb faz\u00ebn finale. Nj\u00eb program maratonik televiziv i pret gjith\u00eb shikuesit e RTK-s\u00eb p\u00ebrgjat\u00eb tri net\u00ebve t\u00eb edicionit t\u00eb tret\u00eb t\u00eb ngjarjes. Nd\u00ebrkaq edhe\u00a0rezervimet e biletave<\/em><\/strong><\/a>\u00a0p\u00ebr t\u00eb p\u00ebrcjell\u00eb nga af\u00ebr net\u00ebt e spektaklit kan\u00eb nisur. 6, 7 dhe 8 n\u00ebntor jan\u00eb datat e fest\u00ebs muzikore n\u00eb Prishtin\u00eb. 20 artist\u00eb sivjet me z\u00ebrat e tyre jan\u00eb n\u00eb gar\u00eb p\u00ebr 5 \u00e7mimet e festivalit, teksa sivjet do t\u00eb nderohet nj\u00eb artist p\u00ebr vep\u00ebr jet\u00ebsore me \u00e7mimin \u201cOkarina e Art\u00eb\u201d.<\/p>\n