{"id":7232,"date":"2026-10-30T20:58:21","date_gmt":"2026-10-30T19:58:21","guid":{"rendered":"https:\/\/www.rtklive.com\/festivali\/?p=7232"},"modified":"2026-10-30T23:28:34","modified_gmt":"2026-10-30T22:28:34","slug":"spahiu-ne-red-carpet-kemi-nisur-lobimin-ne-ebu-per-pjesemarrjen-e-kosoves-ne-eurovision","status":"publish","type":"post","link":"https:\/\/www.rtklive.com\/festivali\/spahiu-ne-red-carpet-kemi-nisur-lobimin-ne-ebu-per-pjesemarrjen-e-kosoves-ne-eurovision\/","title":{"rendered":"Spahiu n\u00eb “Red Carpet”: Kemi nisur lobimin n\u00eb EBU p\u00ebr pjes\u00ebmarrjen e Kosov\u00ebs n\u00eb Eurovision"},"content":{"rendered":"

N\u00eb prag t\u00eb nisjes s\u00eb nat\u00ebs s\u00eb par\u00eb t\u00eb Festivalit t\u00eb K\u00ebng\u00ebs n\u00eb RTK \u201cAkordet e Kosov\u00ebs\u201d, ka nisur programi special \u201cRed Carpet\u201d, ku publiku po njihet nga af\u00ebr me mysafir\u00ebt, artist\u00ebt dhe pjes\u00ebmarr\u00ebsit e edicionit t\u00eb kat\u00ebrt t\u00eb festivalit.<\/strong><\/p>\n

Drejtoresha e P\u00ebrgjithshme e Radiotelevizionit t\u00eb Kosov\u00ebs, Zana Spahiu gjat\u00eb parakalimit t\u00eb saj n\u00eb tepihun e kuq, ka b\u00ebr\u00eb t\u00eb ditur se transmetuesi publik ka nisur lobimin pran\u00eb Unionit Evropian t\u00eb Transmetuesve (EBU), me synimin q\u00eb fituesi i Festivalit t\u00eb K\u00ebng\u00ebs \u201cAkordet e Kosov\u00ebs\u201d t\u00eb p\u00ebrfaq\u00ebsoj\u00eb vendin ton\u00eb n\u00eb Eurovision.<\/p>\n

Spahiu ka th\u00ebn\u00eb se RTK-ja tashm\u00eb ka d\u00ebrguar k\u00ebrkes\u00eb n\u00eb EBU, e cila \u00ebsht\u00eb shqyrtuar nga ky institucion.<\/p>\n

\u201cGjasat mendoj q\u00eb i kemi t\u00eb mira, por mendoj q\u00eb kemi edhe mjaft pun\u00eb p\u00ebr t\u00eb treguar q\u00eb me t\u00eb v\u00ebrtet\u00eb festivali i cili organizohet, fituesi i cili \u00ebsht\u00eb n\u00eb krye t\u00eb k\u00ebtij festivali duhet t\u00eb p\u00ebrfaq\u00ebsohet dhe t\u00eb jet\u00eb edhe pjes\u00eb e gar\u00ebs\u201d, ka th\u00ebn\u00eb Spahiu.<\/p>\n

Ajo ka theksuar se lobimi dhe p\u00ebrpjekjet do t\u00eb vazhdojn\u00eb, me shpres\u00ebn q\u00eb t\u00eb ndryshohet statuti i EBU-s\u00eb, i cili aktualisht nuk e lejon Kosov\u00ebn t\u00eb jet\u00eb pjes\u00eb e k\u00ebtij mekanizmi.<\/p>\n

Spahiu ka folur edhe p\u00ebr r\u00ebnd\u00ebsin\u00eb e edicionit t\u00eb kat\u00ebrt t\u00eb festivalit, duke ve\u00e7uar rikthimin e em\u00ebrtimit historik \u201cAkordet e Kosov\u00ebs\u201d dhe p\u00ebrkushtimin e stafit t\u00eb RTK-s\u00eb n\u00eb realizimin e k\u00ebtij projekti.<\/p>\n

Nd\u00ebrkaq, Gjeraldina C\u00ebrnabregu, n\u00ebnkryetare e Bordit t\u00eb RTK-s\u00eb, ka vler\u00ebsuar pun\u00ebn e b\u00ebr\u00eb p\u00ebr organizimin e festivalit, duke shprehur shpres\u00ebn q\u00eb ai t\u00eb sh\u00ebrbej\u00eb si nj\u00eb nd\u00ebrthurje e s\u00eb kaluar\u00ebs me t\u00eb tashmen.<\/p>\n

\u201cShpresoj ky festival do t\u00eb vij\u00eb si nj\u00eb sinergji mes t\u00eb kaluar\u00ebs dhe t\u00eb tashmes. \u00cbsht\u00eb b\u00ebr\u00eb pun\u00eb e madhe, madh\u00ebshtore\u201d, ka th\u00ebn\u00eb ajo, duke fal\u00ebnderuar t\u00eb gjith\u00eb t\u00eb angazhuarit n\u00eb realizimin e tij.<\/p>\n

N\u00eb kuad\u00ebr t\u00eb programit “Red Carpet” \u00ebsht\u00eb prezantuar edhe pulla e re postare kushtuar \u201cAkordeve t\u00eb Kosov\u00ebs\u201d, e realizuar n\u00eb bashk\u00ebpunim nd\u00ebrmjet Radiotelevizionit t\u00eb Kosov\u00ebs dhe Post\u00ebs s\u00eb Kosov\u00ebs.<\/p>\n

\"\"Hyrije Ademi, p\u00ebrfaq\u00ebsuese e Filatelis\u00eb s\u00eb Post\u00ebs s\u00eb Kosov\u00ebs dhe dizajnuesja e pull\u00ebs, ka treguar se ideja kryesore ishte q\u00eb p\u00ebrmes dizajnit t\u00eb paraqitej rilindja e festivalit pas nj\u00eb periudhe t\u00eb gjat\u00eb nd\u00ebrprerjeje.<\/p>\n

\u201cDuke marr\u00eb parasysh se Akordet kan\u00eb pushuar nj\u00eb koh\u00eb t\u00eb gjat\u00eb mendimi i par\u00eb q\u00eb m\u00eb erdhi n\u00eb m\u00ebngjes gjat\u00eb dizajnimit t\u00eb pull\u00ebs postare ishte: si ta paraqes rilindjen e Akordeve t\u00eb Kosov\u00ebs? Dhe ishte nj\u00eb kristal, nj\u00eb kristal q\u00eb ishte ngjitur me fije ari pas nj\u00eb pushimi shum\u00eb t\u00eb gjat\u00eb\u201d, ka shpjeguar ajo p\u00ebr konceptin e dizajnit.<\/p>\n

Pulla postare, e cila ka hyr\u00eb n\u00eb qarkullim nga kjo e premte, p\u00ebrb\u00ebhet nga nj\u00eb pull\u00eb dhe zarfi i dit\u00ebs s\u00eb par\u00eb t\u00eb emetimit, duke u b\u00ebr\u00eb pjes\u00eb e arkivit filatelik t\u00eb Kosov\u00ebs.<\/p>\n

Ajo tutje ka th\u00ebn\u00eb se gj\u00ebrat q\u00eb pushojn\u00eb, gj\u00ebrat q\u00eb gjenden n\u00ebn tok\u00eb dhe pastaj dalin n\u00eb sip\u00ebrfaqe jan\u00eb si nj\u00eb kristal t\u00eb cilit kur t’ia heq\u00ebsh pluhurin, ai do t\u00eb shk\u00eblqej\u00eb edhe m\u00eb shum\u00eb.<\/p>\n

\u201cN\u00eb k\u00ebt\u00eb rast edhe pulla postare, k\u00ebto elemente t\u00eb pull\u00ebs postare do t\u00eb shk\u00eblqejn\u00eb sikurse Akordet e Kosov\u00ebs q\u00eb shpresoj t\u00eb mos pushojn\u00eb m\u00eb\u201d, ka shtuar ajo.<\/p>\n

N\u00eb \u201cRed Carpet\u201d jan\u00eb prezantuar edhe disa prej pjes\u00ebmarr\u00ebseve t\u00eb Festivalit t\u00eb F\u00ebmij\u00ebve \u201cAkordet e Kosov\u00ebs\u201d, t\u00eb cilat jan\u00eb shprehur t\u00eb emocionuara q\u00eb do t\u00eb performojn\u00eb n\u00eb nj\u00eb sken\u00eb t\u00eb till\u00eb madh\u00ebshtore.<\/p>\n

E mysafirja e k\u00ebtij festivali sopranoja Adelina Paloja e ka vler\u00ebsuar si nj\u00eb moment t\u00eb ve\u00e7ant\u00eb rikthimin e Festivalit t\u00eb K\u00ebng\u00ebs \u201cAkordet e Kosov\u00ebs\u201d, duke p\u00ebrg\u00ebzuar ekipin organizativ t\u00eb Radiotelevizionit t\u00eb Kosov\u00ebs p\u00ebr pun\u00ebn n\u00eb p\u00ebrgatitjen e edicionit t\u00eb kat\u00ebrt.<\/p>\n

N\u00eb nj\u00eb intervist\u00eb n\u00eb programin special \u201cRed Carpet\u201d, n\u00eb prag t\u00eb nisjes s\u00eb nat\u00ebs s\u00eb par\u00eb t\u00eb festivalit, Paloja ka th\u00ebn\u00eb se organizimi \u00ebsht\u00eb rezultat i pun\u00ebs s\u00eb nj\u00eb ekipi t\u00eb madh profesionist\u00ebsh.<\/p>\n

\"\"“Absolutisht nj\u00eb moment i ve\u00e7ant\u00eb, nj\u00eb pun\u00eb kolosale nga nj\u00eb ekip organizativ i jasht\u00ebzakonsh\u00ebm. Dua ta cek k\u00ebtu absolutisht edhe drejtorin artistik, edhe drejtoresh\u00ebn artistike, edhe nj\u00eb gam\u00eb t\u00eb t\u00ebr\u00eb t\u00eb njer\u00ebzve profesionist\u00eb nga Radiotelevizioni i Kosov\u00ebs, t\u00eb cil\u00ebt po bashk\u00ebpunojn\u00eb s\u00eb bashku p\u00ebr ta nd\u00ebrtuar nj\u00eb festival v\u00ebrtet\u00eb ashtu si\u00e7 edhe i ka hije vazhdim\u00ebsis\u00eb s\u00eb emrit ‘Akordet e Kosov\u00ebs’. Andaj, ju uroj shum\u00eb suksese edhe jam jasht\u00ebzakonisht e lumtur q\u00eb t\u00eb jem n\u00eb mesin e juaj sonte”, tha ajo.<\/p>\n

Paloja ka p\u00ebrsh\u00ebndetur edhe rikthimin e mbr\u00ebmjes s\u00eb dedikuar f\u00ebmij\u00ebve, duke e cil\u00ebsuar k\u00ebt\u00eb si nj\u00eb hap t\u00eb r\u00ebnd\u00ebsish\u00ebm p\u00ebr zhvillimin e sken\u00ebs muzikore n\u00eb Kosov\u00eb.<\/p>\n

Sipas saj, krijimi i hap\u00ebsirave p\u00ebr f\u00ebmij\u00ebt e talentuar dhe p\u00ebr kompozimet cil\u00ebsore p\u00ebr f\u00ebmij\u00eb \u00ebsht\u00eb i r\u00ebnd\u00ebsish\u00ebm p\u00ebr t\u00eb ardhmen e muzik\u00ebs dhe artit n\u00eb vend.<\/p>\n

“P\u00ebrher\u00eb rruga e trasuar duhet t\u00eb jet\u00eb ajo e cila nd\u00ebrtohet p\u00ebr brezat e ardhsh\u00ebm, t\u00eb cil\u00ebt do ta mbajn\u00eb gjall\u00eb sken\u00ebn muzikore dhe artin n\u00eb p\u00ebrgjith\u00ebsi n\u00eb Kosov\u00eb. Andaj ky\u00a0\u00ebsht\u00eb nj\u00eb hap i jasht\u00ebzakonsh\u00ebm i cili do t’i jap\u00eb nj\u00eb hap\u00ebsir\u00eb f\u00ebmij\u00ebve t\u00eb talentuar edhe kompozicioneve t\u00eb mir\u00ebfillta p\u00ebr f\u00ebmij\u00eb, t\u00eb cilat do t’i n\u00ebnshtrohen natyrisht nj\u00eb rigoroziteti profesionist. Nuk ka m\u00eb mir\u00eb sesa f\u00ebmij\u00ebt, artist\u00ebt e s\u00eb ardhmes, t\u00eb jen\u00eb n\u00eb nj\u00eb sken\u00eb kaq t\u00eb madhe dhe t\u00eb rrethuar me profesionist\u00eb, t\u00eb cil\u00ebt do t\u00eb kujdesen p\u00ebr rrug\u00ebtimin e tyre artistik m\u00eb tutje\u201d, ka th\u00ebn\u00eb Paloja.<\/p>\n

N\u00eb tapetin e kuq t\u00eb festivalit \u201cAkordet e Kosov\u00ebs\u2019 ka parakaluar edhe Arsi Bako, fituesja e edicionit t\u00eb kaluar t\u00eb festivalit t\u00eb k\u00ebng\u00ebs, e cila ka th\u00ebn\u00eb se rikthehet n\u00eb sken\u00eb me emocione dhe adrenalin\u00eb t\u00eb nj\u00ebjt\u00eb, por k\u00ebt\u00eb her\u00eb n\u00eb cil\u00ebsin\u00eb e fitueses.<\/p>\n

\"\"Ajo ka treguar se viti pas fitores ka qen\u00eb i suksessh\u00ebm p\u00ebr karrier\u00ebn e saj muzikore, duke theksuar se arritjet e deritanishme e motivojn\u00eb t\u00eb punoj\u00eb edhe m\u00eb shum\u00eb dhe t\u00eb sjell\u00eb projekte t\u00eb reja.<\/p>\n

Bako ka paralajm\u00ebruar se sonte do ta interpretoj\u00eb s\u00ebrish k\u00ebng\u00ebn me t\u00eb cil\u00ebn fitoi edicionin e kaluar.<\/p>\n

N\u00eb mesin e mysafir\u00ebve t\u00eb \u201cRed Carpet\u201d ishte edhe drejtori i Filarmonis\u00eb s\u00eb Maqedonis\u00eb s\u00eb Veriut, Mustafa Imeri, i cili ka vler\u00ebsuar organizimin e festivalit dhe nivelin e tij artistik.<\/p>\n

Ai ka th\u00ebn\u00eb se pret k\u00ebng\u00eb t\u00eb bukura nga kompozitor\u00ebt shqiptar\u00eb dhe interpretime cil\u00ebsore nga k\u00ebng\u00ebtar\u00ebt, duke shprehur bindjen se Kosova ka potencial artistik p\u00ebr t’u p\u00ebrfaq\u00ebsuar n\u00eb Eurovision.<\/p>\n

Nd\u00ebrkaq, k\u00ebng\u00ebtarja Albana Piperku ka ndar\u00eb kujtime nga pjes\u00ebmarrja e saj e par\u00eb n\u00eb \u201cAkordet e Kosov\u00ebs\u201d, n\u00eb vitin 1984, kur ishte vet\u00ebm kat\u00ebrvje\u00e7are.<\/p>\n

Ajo kishte konkurruar s\u00eb bashku me motr\u00ebn e saj me k\u00ebng\u00ebn \u201cJu moj lulet\u201d, me tekst t\u00eb Zejnullah Halilit dhe muzik\u00eb t\u00eb Musa Piperku, duke fituar \u00e7mimin e dyt\u00eb t\u00eb juris\u00eb profesionale.<\/p>\n

Albana Piperku ka kujtuar se festivali n\u00eb at\u00eb koh\u00eb zhvillohej n\u00eb tri net, t\u00eb dedikuara p\u00ebr k\u00ebng\u00ebn p\u00ebr f\u00ebmij\u00eb, k\u00ebng\u00ebn popullore dhe at\u00eb arg\u00ebtuese.<\/p>\n

Ajo ka rikujtuar edhe tradit\u00ebn e ndarjes s\u00eb \u00e7mimeve, p\u00ebrfshir\u00eb \u00e7mimin e publikut, \u00e7mimin e juris\u00eb profesionale dhe \u00e7mimin kryesor \u201cOkarina e Art\u00eb\u201d, nj\u00eb punim i mjeshtrit t\u00eb filigranit, Simon Shiroka.<\/p>\n

Piperku \u00ebsht\u00eb shprehur e lumtur p\u00ebr rikthimin e festivalit pas nj\u00eb periudhe t\u00eb gjat\u00eb, duke e cil\u00ebsuar k\u00ebt\u00eb si nj\u00eb moment t\u00eb ve\u00e7ant\u00eb edhe p\u00ebr artist\u00ebt q\u00eb kan\u00eb qen\u00eb pjes\u00eb e historis\u00eb s\u00eb tij.<\/p>\n

Edicioni i kat\u00ebrt i \u201cAkordeve t\u00eb Kosov\u00ebs\u201d nis sonte n\u00eb or\u00ebn 21:00 dhe transmetohet drejtp\u00ebrdrejt n\u00eb RTK.<\/p>\n