Organizacia “ Freedom House” publikingya raporti” Thana ani Tranzicia.

Ano kapituli vash e Kosova, vakergyola kay e Kosova hraminla yekh lokho laqharipe kotar o 3.25 nakle bersheste ano 3.29 akava bersh. Ledeipya tenzionime vaktea mashkar e Srbia thay Kosova phiravgyola te minirinel demokratikuno evolviripe ano duy thana, ini kay ano yaveruno aspekti, vakergyola ano raporti. Numay vakergyola kay diklaripe thay ovipe e Srbiake raipesko phiravna te ruminel autoriteti e Kosovako phanglo laki teritoria. Raporti lepargya ini shaipe e suksesesko ano negociacie mashkar o sherunoministri e Kosovako Albin Kurti thay srbiako presidenti Aleksandar Vuciq, truyal o zoralipya e Evropake Uniake thay Yekhuno Thagaripe. Organizacia Freedom House vakergya kay diklaripe e maripesko ani Ukraina, sar rezultati e rusiake agresiako, shundilo triyal o naklo bersh ano 29 thana kotar Evropako Centro ani Centraluni Azia.

Autor: RTK Nevipe