Ani Kosova araklola vash e vizita komesioneri evropako vash o Puqipe Buhlaripesko thay Koyshiye, Oliver Varhelyi.

O Varhelyi phiravgya beshipe e Kosovake presidenta,Vjosa Osmani numay palo akava adikerde konferencia yekhuni vash o medie. Kosovaki Presidenta Vjosa Osmani ani konferencia mediengi vakergya kay siton obligime ano dromipe jenipesko ani Evropaki Unia. Osmani kergya pe janipe vash o phikoipe kotar o 6.5 milioni euro ajutipe kotar EU vash o vastipe e krisiesko. Prekal late, kriis na neto prioriteto yekhuno ano lil numay vash o Kosovake institucie numay sini vash o sa dizune thay olake sar presidenta.O Varhely palo beshipe vakergya kay e Kosova manglpe te marelpe seriozune e korupcia thay organizime krimea thay kay e Kosova decisingya poro drom vash te ovel jeno ani EU. Ani konferencia vash o medie, Varhely vakergya kay ano beshipe vakerde vash o mahatnipe e reformengo, numay vakegrya kay e Kosova manglape te phiravel reforma ani umal hakeski. Evropako Komisineri ka vizitinel ini Evropako Kher ani Vrdloriguni Mitrovica.

Autor: RTK Nevipe