Ani vrdlorig e Themesko konkretipea ano Zubin Potok, leposaviq thay Zveqan truyal e ora 12h kedisale grupe e dizunenge, raportingyola kay muklile ini alarmya ano vrdloriguno kotor e themesko.

Sar raportingyola prekal o medie pe Srbyuni qhib pandar na jangyola o sebepi e e kedipesko e dizunengo anglo komunengo kher ano Zubin Potok, Leposaviq thay Zvecan. Sar dengyola pe janipe kotar o na ofisialune resursya o kedipe e dizunengo ulo odoleske kay muklile o alarmya thay ayekha o dizune kedisale ano centriya pere thanengo. Sar dengyola pe janipe kotar e Kosovaki policia asistinla e sherune e komunengo Zubin Potok, Leposaviq thay Zvecan, te shrden piri buti ano ofisialune obyektya e komunengo, on khargyona ano hako e konstituciyake mekhipesko te len sakola policiake forme vash te sigurinen o siguripe te adikeren o rendo thay garavipe, sar kay te aqavgyon o kriminalune aktivitetya kola ovena ano than, akava si reagipe kotar e Kosovaki policia. Numay sar dengyola pe janipe pe akava ovipe angli komuna ano Zvecan kotar e policia frdisalo asvayengo gasi thay shok bombe, kote yekh grupa e dizunengi konfrontisale e Policia, ayekha kay e policia reaginla vash te ulavel e grupa e dizunengi.

Autor: RTK Nevipe