Ministro Bedri Hamza dengya vast cidipe

Bedri Hamza dengya vast cidipe kotar e pozicia e ministresko vash Financie. Ayekha dena pe janipe o resursya e gazetako `Zëri`.

Sar si pe akala resursya o thanesko ekzekutivi akana miratingya olesko vast cidipe, feri so ko akava kurko ajukergyola te kerel publikuni akaya decisia. Pashe akaleske, o gazetake resursya nashti reste te leparen o qaqutne sebepya vash vast cidipe e Bedri Hamzasko. Numay, palo vast cidipe kotar o vasno posti ano rami e Raipesko, sar si pe akala resurysa, vash o Hamza siton ani dispozicia duy uqe insticionalune pozicie. Ov ajukegryola te anavingyol sar reprezenti e Kosovako ano Mashkarthemutno Monetaruno Fondi ano Washingtoni, vay guvernatori e Kosovaka Centraluna Bankako, koya pozicia aktualune phiravela o Gani Gërguri.