Esma Rejepova ano Eurosong 2013

Esma Rejepova thay Vlatko Lozanovski Lozano, ka reprezentinen e Makedonia ani 58-to edicia e evropake festivalesko vash e gili, ”Eurosong 2013”. Makedonia ka alosarel e reprezentipeski gili ano masek februari, kolaha e Esma thay Lozano ka keren gara ano Malmo e Suediako, kotar 14 -18 ji pe mayi 2013.

E gilavni biami ani Makedonia, Esma Rejepova, konsideringyola sar simboli e romana muzikako. Ani olaki kariera ano panj palune dekade, oy ikalgya buderi se 60 muzikune albumya thay adikergya buderi se 8.000 koncertya. Pashe akaleske, Rejepova penjargyola ano opinioni na numay vash olaki muzika, numay vi vash humanitarune aktivitetya. Oy adoptingya ini 47 qhavore thay duy ver propozisali vash Nobelyuni poqin vash traynipe.