Protestya ani Mitrovica vash nevo Samatredengo menajipe

Ji kay jamaingyona o butya vash keripe e samatredune giriqipesko kova ka ovel khetano mashkar e Kosova thay Srbia, kote kotar e data 10 decembri ka shrdel o phriavipe e Halovipe vash Integrimo Menajipe e Samatredako, ano Yarinye kedisale srbyune dizune, kola protestinena mamuy akava halovipe.

O sevaluipya kotar Kosova press kotar Yarinya dena pe januipe kay pashe 200 dizune adikerna blokirimi e zona mashkar e Kosova thay Srbia. Resursya akala agenciako mothavena vi kay bukya vash gatisaripe e samatredako aqhavdile, palo odova kay o manusha atakinde e butyarne e kompaniako kotar Novi Pazari e Srbiako, kola mekhle o butyako than thay nashte odotha.