Varheley e phiravipea vash o Kosovako vizengo liberalizipe

Komesioneri e EU vash o buhlaripe, Oliver Varhelyi anglopenjargya gatisaripe kay te iklol yekhe phiravipea vash te adresinen dar thanengo EU phanglo shaipe Kosovake vizenge liberalizipesko.

Ov vakerla kay vizengo liberalizipe sito yekh puqipe kote manglape te phiren
anglal. Varhelyi mothavgya ini o sebepi e phiravipesko e vizenge
liberalizipesko vash e Kosova. Samiti mashkar EU thay thana e Ratorigune
Balkanesko adikerdilo nakle kurkeste. Sa akalea yekhune nesave kotar p
politikune lekanipya e lideryengo 27 thanengo jenipea diklile palo samiti. Yekh
olendar sito deipe statusi kandidatesko vash o jenipe ani EU ukraina, Moldavia
thay e nesave pheripe kondiciengo vash e Gjeorgjia. Ayekha 27 thana jenipea
na mangle te akceptine kay Vrdloriguni Makedonia thay Albania te dengyol
lende data shrdipeski vash o vakeripe jenipesko. Varhelyi vakergya kay palune

dive lelile decisipya maharne ano politike buhlaripeske Eu thay prekal leste,
akava sito ano uqo niveli e agendako EU.

Autor: Redaksia në Gjuhën Rome