NA LEKANIPYA ANI KOMISIA VASH E EKONOMIA

Yekh na lekanipe sine mashkar o Armend Muja thay Ferat Shala

Yekh na lekanipe sine mashkar o deputetya e Vetvendoyake Phiarvlinako,
Armend Muja thay Kosovake Demokratikune Partiako, Ferat Shala truyal o
raportipe e ministriako vash e industria, kompanie thay kinipe bikinipe.

Truyal o raportipe e ministarako Rozeta Hajdari, ani ministria ekonomiaki,
Shala vakergya kay neglizinde aplikipya. Ji kana o sheruno e komisiako vash e
Ekonomia, Ferat Shala, kritikingya e ministra, Rozeta Hajdari vash o phiravipe
thay 2 bershuno diklaripe e 44 aplikaciyengo vash o statusi e strategikune
investitoryengo deputeti VV, Armend Muja akuzingya e sherune Shala kay sile
pashutne familiarune interesya e kompaniencar ani gara ayekha khardi
“Mexikoluma”.Vash akava Shala vakegrya kay sito hohavipe thay tentativa
vash te rumel raportipe e ministrako Hajdari. Shala rodingya respodipe e
ministrako Hajdari soske rodlola MINT garancia themeski vash o kompanie
“Kosmonte Foods”,kana jangyola kay aktualuno raipe phikoinla akaya
kompania vash te vijainel statusi strategikune investitoryengo ano februari
akale bershesko.

Autor: Redaksia në Gjuhën Rome