PRESIDENTA OSMANI AJUKERLA EMISARE LAJÇAK-

Vakerde vash o dialogi thay vash o mangipe e vizenge liberaliyipesko

Ano paluno dive e beshipesko ani Kosova speciyaluno reprezenti EU vash o
dialogi Kosova- Srbia, Miroslav Lajçak ajukergilo kotar e presidenta Vjosa
Osmani.

Ano beshipe diskutisalo vash o palune evolviripya ano procesi e dialogesko
ano Bruksel vash evropyuni perspektiva Kosovaki, sar ini vizengo liberalizipe.
Presidenta vakergya ini vash o konstruktivuno angazipe Kosovako ano dialogi
e Srbia, biqhalindoy klarune resipya e instituciengo kay o procesi te ovel
adikerdo ano duy riguno penjaripe. Osmani ini mothavgya kay o lekanipe vash
o implemebtipe e phiravipesko vash e eneria sito pozitivuno bajako ano akava
aspekti, leparindoy kay implementipe sito but mahatno. Osmani thay Lajçak
vakerde ini vash o mahatnipe e vizenge liberalizipesko vash o Kosovake dizune
thay vash o mangipe te jalpe anglal urgentuno, vakerindoy kay akava procesi
sito yekh baro mahatnipe vash o pakyavipe e EU ani Kosova.

Autor: Redaksia në Gjuhën Rome