PRESIDENTA OSMANI ANI SLOVENIA

Borut Pahor, presidenti e Sloveniako ajukerla e presidenta Vjosa Osmani ani vizita

Presidenta Vjosa Osmani, arakhlola ani Slovenia e kharipea olake
homologestar Borut Pahor.


E presidenta ajukerdili yekha oficialuna ceremonia thay e soldatyune
palikeripea ano kongresesko foro ani Lublyana.
Palo ajukeripe o duy presidentya adikerde yekh konferencia vash o medie, kote
vakerde vash o liberalizipe e vizengo vakerindoy kay o thana e Evropaka
Uniake si te ovel ani bilaqi situacia te sine kay na lena e ratorigune balkane ano
poro pashipe. O presidenti e Sloveniako dengya phikoipe ano
euroatlantikuno dromipe e Kosovako numay vakergya kay o dialogo manglape
te phiravgyol thay so duy riga manglape te angazhingyon vash o resipe e
decisipesko. Numay e Osmani vakergya kay oy pakyala o liberalizipe vash e
Kosova te ovel talo sherunipe e Qekiako ano Koncili e Evropaka Uniako.
Vakerindoy vash o procesi e dialogesko e Serbia,
oy lepargya kay ano akava masek shay te ovel beshipe mashkar o sheruno
ministri e Kosovako Albin Kurti thay o presidenti e Serbiako Aleksandër Vuçiq
ano Bruksel.

Autor: Redaksia ne Gjuhen Rome