ARAKLONA E AMERIKAKE SEKRETAREA

Presidena thay sheruno ministri araklona e amerikake sekretarea, Antony Blinken

Beshipe phiravgyola ano duyto dive olenge beshipesko ano Yekhune
Amerikake Thema, kola gele vash e ceremonia e parafipaske lekanipesko e
Korporata Milebershune Umalyengo, vash o Kosovako Kompaktuno
Programi ano kobaripe kotar o 236,7 milionya dolarya, kola dengyola nota
kay si may baro investipe sayekh ver ani umal energiaki. Ano fokusi
diskutipyengo ka ovel formiripe e bileteralune partneritetesko Kosova-
SHBA ano strategikuno nivele, angazipe yekhuno ano dromipe e adresipesko
e umalyengo vash o tromalipe thay siguripe ano rayoni thay Evropa, sar ini
phikoipe vash e Kosova ano strategikuno sektori, vakergyola ano penjaripe e
Presidencako. Ano akava beshipe, presidenta Osmani ka rodel phiravipe e
amerikake angazipesko vash o zoralipe e mashkarthemutne Kosovake
poziciako, astarindoy ini jenipe ano mashkarthemutne organizacie. Beshipe
ano Themesko departamenti mashkar e Osmani, Kurti thay Blinken ka
adikergyol pe ora 16: 30 prekal o lokaluno vakti ano vashington DC.

Autor: Redaksia ne Gjuhen Rome