Parlamentaruni debata phanglo vizengo liberalizipe thay rezolucia bayaripaske pokipesko

Shukar alen amencar ani nevipyengi edicia. Sombeshipe adikerla plenaruni
seanca vash o 12 thavdya kola aqhile kotar o shoyuno dive sar ini nesave
thavdya kotar o anglederune séance.

Phiravdili vash avuni seanca duyto diklaripe e proyektkrisesko vash o yaveripe
thay pheripe e krisesko vash o finansiripe e politikune subyektyengo, sebepi
kay na tretirisalo kotar e parlamentaruni komisia vash o komunitetya.
Deputetya lilepe kan kay te den vakti akale komisiako ji ko lunyako dive te
kidingyon thay te diklargyol akava proyektkrisi, ano mamuipe, yekhuno ka
qhivgyol vash o miratipe ano duyto drabaripe bizo tretiripe e komisiako ani
avuni seanca. Ini, avdive ka adikergyol parlamentaruni debata phanglo e
vizenge liberalizipe kotar EU vash e Kosova. Ano divesko rendo sito votuipe
propozipe e rezoluciako vash o adresipe e bayaripaske kobaripaske
pokipyengo.

Autor: Redaksia ne Gjuhen Rome