RECIPROCITETI VASH O IDENTIFIKIPASKE DOKUMENTYA

Decisipe vash o phiravipe e masako ji ko 1to septembri khuvela kotar o cidipe e barikadyengo

Srbya ano vrdlorig e Kosovako shrdinde te ciden barikade kola qhivde ijune
rakyate vash te mamuinen implementipe e reciprociteteske masako vash o
dokumenti phiripasko e srbiake themutnengo kova khuvena ani Kosova.

Kosovako Raipe shrdingya reciprociteteski masa vash o dokumentya e
phiripesko vash o Srbiake dizune kola khuvena ani Kosova, penjargya
andraluno ministri, Xhelal Sveçla. Ano akava dromipe, ni yekh srbi nashti te
khuvel ani Kosova e srbiake personalune dokumentea. Odolenge ka dengyol
yekh validuno dokumenti 90 divengo kotar o khuvipe ani Kosoki teritoria.
Akava decisipe implementingyola ano sa samatrandune thavdya yekhune na
ani vrdlorig, Bërnjak thay Jarinjë, kola siton phandle sebepi e barikadengo kote
o srbya qhivde ani droma, ano protestipasko drom vash o shrdipe e
implementipaske reciprociteteske masengo. Kosovako Raipe palo rekomandipe
e amerikake ambasadoresko, Jefry Hoveenier lilepe kan kay te truminen
implementipe e decisipesko ji ko 1to septembri, numay penjargya kay akaya
masa khuvela ano zoralipe yekhune kana o srbya ka ciden barikade thay te
zblokirinen o droma ano vrdloriguno kotor e thanesko.

Autor: Redaksia ne Gjuhen Rome