Von der Leyen: EU na neto kompletime bizo Ratoriguno Balkani

Presidenta e Evropake Komisiako, Ursula von der Leyen, vakegrya kay thema e Ratorigune Balkanesko, sar ini e Ukraina ,Gjeorhjia thay Moldavia manglape te oven kotor e evropake familiako.

Bizo akala thema, Unia na ka ovel kompletime, vakegrya e Von der Leyen, ano bershesko vakeripe ano Evropako Parlamenti. Vakeripe phanglo e situacia ani EU, sito mamenti may mahatno bershesko kana o sherunipe Evropake parlamentesko anglo deputetya prezentinena e situacia ano thema thay institucie EU. Sito angluno ver ani historia kay situacia EU adikergyola ano maripaske kondicie ano evropyuno kontinenti, numay von der Leyen uravdili ano kolorya e Ukrainake flagosko.Ursula von der Leyen mothavdili ano favori e Politikune Evropyune Yekhipesko deindoy nota kay manglape te pashargyon thema yaver e evropyune kontinentesko truyal o procesi jenipesko.

Autor: Redaksia ne Gjuhen Rome