Kosovaki Radio Televizia adive pherela 23 bersha pere kreiripesko. Publikuni televizia si yekh kotar o may mahatne institucie na numay ano medialuno aspekti vay ini e integripesko e komunitetyengo ano poro mashkar.

O mahatnipe e publikune mediumesko si thay mothavdilo prekal sah akala bersha keripe thay mothavipe e ververutne ovipyengo.

Generaluno direktori e RTK- esko, Shkumbin Ahmetxhekaj,ano 23 to, bersh e kreiripesko vakergya kay e televizia pandar phiravgyola te ovelola financiune problemya vay sar lepargya ov bi dikhle o sfide si te phiravgyol e reformyencar vash te dengyol kualitativuno programi e dikhavnenge.

Ko agor o generaluno direktori naysi kerla sah e kolegyen ini odolen kola nikiste ki penzia vash o dendo angazhipe thay kontributi, vash te evolviringyol o Publikuno Transmiteri.

Ayekha vakergya o generaluno direktori ano poro vakeripe, numay sar vakerla e godorni redaktora vash o komuniteyenge programya e Rabisha Muhaxhiri kay o RTK sile barvalipe odoleske kay sile ini o programya vay o redaksie e haricune komunitetyenge.

Autor: Redaksia ne Gjuhen Rome