Osmani: Dialogi e Srbia manglape te ovel fokusirimo ano reciprokuno

Presidenta Vjosa Osmani, ano rami e vizitako ano Nju Jork, araklili e godideyutnea ano Amerikako Themesko Departamenti, Derec Chollet, thay e amerikake biqhaldnea vash o Ratoriguno Balkani, Gabriel Escobar.

Osmani diskutingya vash o palune evolviripya ano rayoni thay may buhle, sar ini vash o phiravde ledeipya vash te avansinen euroatlantikuno integripe Kosovako, sar anglokondicia vash o vaktuno stabiliteti. Kergyola pe janipe kay truyal o beshipe, Osmani mothavgya mangipe vash te phiren anglal ano procesi e dialogesko e Srbia phiravdo ano reciprokuno penjaripe thay kay e Srbia manglape te implementinen pere obligipya kotar o lekanipe vash o energiako phiravipe, sar ini urgentuno mangipe kay te reslol suksesi vash o lekanipe vash o nashalde jene e violenca. Vash o puqipe e dialogesko ano Nju Jork vakergya ini o sherunoministri Edi Rama, truyal o beshipe kova sinela e speciyalune reprezentea e EU vash o dialogi Kosova- Srbia, Miroslav Lajçak.

Autor: Redaksia ne Gjuhen Rome