SBASHK: Sherunoministri pere deklaripyencar angazingyona te phiravgyol

Edukipeski Sindikata penjargya e publika kay e greva ka phiravgyol. Ano penjaripe e sindikatako vakergyola kay o sherunoministri pere deklaripyencar sar kay angazingyola thay sile mangipe te phiravgyol e greva.

' Ano arakhipe akale situaciako thay bijalarne kotar o deklaripya e sherune ministresko, sa kotorleyutne ano beshipe e sherunencar e Grevistyenge Koncilesko, e qhelale shunipeamothavdile kay akava nanipe e Raipeske mangipesko vash o dialogi thay ignoripe e legitimyune grevistyenge rodipyengo, kerela kay e greva te phiravgyol ano avune dive, vakergyola mashkar o yaver ano komunikipe kotar o SBASHK.

Ji kana ulo yekh masek kotar o shrdipe e grevako ano edukipe thay administracia, ini ijune diveste o raipe thay sindikatya na phirde kotar pere pratsavya. Sherunoministri Kurti vakegya kay o sgreve kergyona ini vash o politikune inatya numay o SBASHK khargya sar sindikata kotar o PAN. Kurti vakergya kay o SBASH refuzingya sa raipeske oferte vash te iklol kotar e kriza thay pako kotar o 150 milionya, na ka ovel agorutno. Numay prekal leste proyektkrisi vash o pokipe kova sito ano publikuno diskutipe ka alosarel sa puqipya thay khargya sariyen kay te den poro godinipe. ' Kergyola lafi vash yekh inati mamuy o raipe. Sindikalistyenge kotar o PAN qhinavdilo o sahati e 14to februaREA. Sito qhelale kobor but nashalena vakergya ov. Ki yaver rig o SBASHK mamuy respodingya e Kurteske, vakerindoy kay na phikoingyona kotar ni yekh partia politikuni.

Autor: Redaksia ne Gjuhen Rome