Osmani: Srbia phiravgyola e Putineske gidinipea

Kosovaki Presidenta, Vjosa Osmani ani yekh intervista vash o Avazo Amerikako vakergya kay reciprokuno penjaripe mashkar e Kosova- Srbia sito yekhuno iklipe kova ingala direktuno ano tromalipe thay stabiliteti vaktuno.

Presidenta Vjosa Osmani vakergya kay procesi dialogesko Kosova – Srbia manglape te pvel phiravdi ano reciprokuno penjaripe, sebepi akava si yekhuno alosaripe kova ingala direktuno ano tromalipe thay vaktuno stabiliteti. Ani yekh intervista vash e Avazo Amerikako, oy vakergya kay ekvash alosaripe ano fakti ni yekh ver na produktinla tromalipe, numay ani yaver rig dela than manglardo e Srbiake vash te phiravgyol te pashlol buderi e Rusiake thay ini ayekha te investinel ini buderi ano destabilizipe e rayonesko. Phanglo e asociacia e Srbuyune komunengo, Osmani vakergya kay Yekhune Thema rodinde kay e Kosova te implementinel decisipe e Konstituciake Kriselinako, na odoya koya parafisali ano Bruksel, sar ini Srbia korkori na implementingya duy trinencar lekanipya parafime.

Autor: Redaksia ne Gjuhen Rome