Lipavsky: Akava puqipe ka riputargyol truyal e Çekiaki Presidenca e EU

Çekiako Ministri avrune bukyengo, Jan Lipavski, vakergya kay puqipe e Kosovake vizenge liberalizipesko ka riputargyol truyal e Çekiaki presidenca e Evropake Uniako.

Akava puqipe ka diskutingyol truyal akava angloyevend, kana e Evropaki Komisia ka finalizinel azurimi verzia e raportesko vash odova kobar sito e Kosova gatisarni vash akava puqipe. “ Kosova, kova ka vizitinel akava kurko, sito paluno than e Ratorigune Balkanesko, dizune kola pandar silen mangipe vash o vize te phiren ani Evropaki Unia. Sa akalea, resipe e Çekiake Republikako thay EU sito integripe e thanengo Ratorigune Balkanesko ani EU. Amari Presidenca sito yekh shaipe vash te trumingyol sa procesi integripesko anglal, vakegrya o Lipavsky vash e çekiaki agencia nevipyengi, raportinla Euroactiv. Prekal leste, te sine kay o raporti Evropake Komisiako sito pozitivuno, odoya ver puqipe e vizenge liberalizipesko ka dikhlargyol kotar o thana EU truyal akava anglo yevend.

Autor: Redaksia ne Gjuhen Rome