Miratisalo Proyektkrisi vash o pokipya e Publikune ofiseryenge

Kosovako raipe avdive miratingya proyektkrisi vash o Publikune Ofiserya thay Krisi vash o Pokipya ano publikuno sektori.

Sherunoministri Albin Kurti vakergya kay pali yekh buti gojali akala duy proyekt krisya angyona vash o miratipe. Angluno decisingya kay ano centro publikune ofiserya thay kergya administracia vash o sa, andral thay avriyal o sistemi astarne ini jenen diasporake, numay duyto angluno ver kreirinla sistemi inifikime e pokipyengo thay anipe yekhipesko ano pokipe butikerutnengo ano publikuno sektori. Sheruno raipesko vakergya kay siton sigurime kay te tiknaren diklaripea aqhavipya mashkar may uqo pokipe thay may teluno kotar o manusha kova sito akana 5 ver buderi.

Kosovako sheurnoministri Albin Kurti vash o beshipe Brukselesko vakergya avdive ano beshipe raipesko. Anglo ministrya vakergya kay avdive ka ovele pandar yekh beshipe sherunenegociyatoryencar ano Bruksel, kay te reslol yekh lekanipe. Ov vakergya kay o mashkarledeyutne cidinde kotar e agenda e beshipeski Srbiake presidentea, puqipe kay e urgenca te fokusiringyon ano evropyuno propozipe vash o normalizipe ledeipyengo

Autor: Redaksia ne gjuhen Rome , RTK