Mudargyola yekh juvli ano oboro e QKUK -sko

Shukar alen amenca ani nevipyengi edicia. Ijuna rakyate mudargyola yekh juvli 35 bershuni, koya sine pharipaya ano olake palune dive e pharipaske. Sar undringyola e juvli mudardili kotar olako eks rom kova palo atakipe nashlo kotar ovipesko than.

O mudaripe yekha juvlako koya sine e pharipaya ano olako 35 bersha, kergya te shunenpe bilaqe o sah publikuno opinioni odoleske adive pe ora 16:00, ano foro “Zahir Pajaziti” ani Prishtina si te protestingyol mamuy o mudaripe e juvlengo.

Kolektivi vash o Godininipe thay Feministikuno Ovipe sar kay e Juvlani Rafin e Kosovaki, kharde e sah dizunen vash te protestinen mamuy o akavutne mudaripya. Ano penjaripe e leparne organizaciengo vakergyola kay mashkar o yekh kurko, duy mursha mudarde duy juvla, mudarde olen odoleske kay o institucie na kerde piri buti. Mudarde olen odoleske kay e kultura e koya na kerla doshali e akavutnen manushen bayarla o patriarkaluno godinipe vakergyola ano akava penjaripe. Sar lepargyola kay o mudaripe e juvlako undringyola kay kergya olako eks rom angli Ginekologiaki Klinika ani Prishtina, phanglo akale mudaripea sine o reagipya e sherune e themeske instituciengo, politikune partiengo, civilyune amalipesko thay e buderune dizunengo.

Autor: Redaksia ne gjuhen Rome , RTK