Aqhola sar sfida o khuvipe pi buti e juvlengo kotar o etnikune

Sar si prekal o statistike e Agenciako vash o Statistike ani Kosova, but hari juvla kotar o etnikune komunitetya si pe butikeripe ani Kosova, numay o gendo e romane juvlengo si but ver may tikno.

O juvla e etnikune komunitetyengo ani Kosova astargyona e buderi sfidencar ano jivdipe yekh olendar si ini o khuvipe pi buti. Nesave juvla sar odola e serbyune vay e yaver na serbyune komunitetyenge o yekhuno drom vash o khuvipe pi buti vay putaripe e nesave tikne biznesyengo si numay prekal o nesave grantya e Evropaka Uniako. Ini kay akava bersh o Kosovako Raipe kergya yekh bukyuni grupa kana vakergyola vash o stimulipe vash o khuvipe pi buti e Romane, ashkaliune thay egipqanyune komunitetyenge jenengo, numay ji akana na mothavdilo efekti ani akaya umal vash o komunitetya.

Autor: Redaksia ne gjuhen Rome , RTK