Kurti thay duy ministrya iklile ano tereni palo peripe bare brshineske

Ko mashkar vakri, sherunoministri Albin Kurti, ministri garavipesko, Armend Mehaj thay Lokalune raipesko, Elbert Krasniqi, amalime kotar o sheruno e komunako Istog, vizitinde gav Drej thay Medicinako centro kote si kherime 30 perronya e gavesko Zallq.

Yekhune e Ministrencar vizitingyam truyal o 20 jene e FSK-eske kola e armadake kamionyencar thay berdyencar kerena bishaipe kay te iklon ano azutipe e thanutnengo ano gav Dreje thay ano Istog. Odothe ki phurd Dreje, upral e lin Kujavc ajukergya amen o sheruno komunako Ilir Ferati, kova penjargya amen e phare situacia avdive thay ijune rakyate. Palo akava gelam yekhune ano Familiaruno Medicinako Centro kote vizitingyam, duy familie evakuime kotar o Zallq e 4re tikne qhavencar thay yaver familia e duye qhavencar. Truyal o konsiderimo materialuno doshalipe na ne mule jene thay khuvde. Ini e Klina, Peja, Jakova, sar ini Mitrovica, Skenderaj thay Poduyeva sinelen doshalipe, hramingya o Kurti ano Facebook.

Autor: Rekasia ne gjuhen Rome, RTK