Prokuroria penjargya kay e Policia arestingya 9 personya

Bazikuni Prishtinaki Prokuroria penjargya kay e Policia arestingya 9 personya, undrime vash o qhelalovastipe e poziciako numay oficiyalune autoritetesko thay vash o hahavipe.

Prokuroria penjargya kay undrime, sar oficiyalune personya, sar jene e teknikune Komisiako, kerde akceptipe e bukyako e stadiumesko ano Magure e Liplanako, kay shay kerdili buti prekal e vijaime kontrata kotar yekh kompania. Truyal akaya akcia, aqhavdilo ini respodimo personi e kompaniako ano vakeripe. Ko mashkar vakti, akuzime jene ano akala ovipya undringyona kay kerde doshalipe ano komunaluno bujeto ano kobaripe truyal o 300 mile euro.

Autor: Rekasia ne gjuhen Rome, RTK