Sheruno ministri Albin Kurti vakergya phanglo beshipe ijuno e emisarea EU vash o dialogi Kosova – Srbia, Miroslav Lajçak. Ov vakergya kay lekanipe e Srbia manglape te ovel e reciprokune penjaripea ani centro.

Prekay o Kurti, yekhuno ano akava drom kergyola pherdo normalizipe e raportynego mashkar o duy thema. Ov vakegrya kay mashkar o lekanipe e Srbia na ne hierarhia, odoleske manglape te implementingyon ano pheripe. Akava reagipe alo palo puqipe e zurnaliztyengo, a lilepe kan kay te implementringyol ini Lekanipe vash e Asociacia e Komunengo e buderi Srbyencar. ' siton 33 lekanipya Brukseleske kotar e 1 dekad nakli thay na ne ni yekh lekanipe koya sila prioriteti kotar yekh yaver lekanipe, odoleske na ekzistinla hierarhia odole lekanipyengo. On siton qhivde ano horizontaluno rafshi, vakergya o Kurti, kova fokusirisalo ini vash o palune angazipya e amerikake evropyune diplomatyengo vash o resipe yekhe finalune lekanipesko e Srbia.

Autor: Rekasia ne gjuhen Rome, RTK