Palo beshipya ano Bruksel, Kosovako raipe deklarisalo palo beshipe e sherune ministresko Albin Kurti thay Srbiako presidenti, Aleksandar Vuciq e mashkar ledeipea kotar EU.

Ano penjaripe e Sheruneministreske Ofisesko vakergyola kay o Kurti mothavgya gatisaripe vash p parafipe e ledeipeske bazako mashkar o duy thana, ayekha sar sito propozime kotar EU thay phikoime kotar e Germania, Franca, Italia, thay Yekhune Amerikake Thema, numay srbiaki rig refuzingya parafipe. Raipe vakegrya kay ano beshipe trin riguno halovdile kay o teksti propozipesko EU aqhola biyaverime, ini kay e Srbia pandar na mothavgya gatisaripe vash te parafinel. Riga ka shrden vakeripya vash o plani implementipasko, kova manglape te astarel konkretune detalya thay te ovel sahastarno, sar ini te pasharel efektiviteti ano implementipe.

Autor: Daut Qulangjiu , RTK