Osmani:Lekanipya imlementipeske manglape te oven miratime Sombeshrship

Kosovaki Presidenta, Vjosa Osmani ajukergya ano beshipe e ambasadoryen e QUINTESKE themyengo thay e EU shefe ani Kosova.

Ano beshipe diskutisalo vash o palune evolviripya ano than, astarne dialogi e Srbia, phiravde bajakya, sar ini kordinipe e phiravipesko kotar o Kosovake institucie e aleatyencar. Presidenta Osmani vakergya kay dakordipe phanglo aneksi vash o implementipe e bazikune lekanipesko manglape te ovele pe dikhipe evolviripya miratime ano Sombeshipe phanglo naqalavipe e sovranitetesko thay teritorialuno integriteti, konstitucia thay funcionalipe e Kosovake themesko.

Autor: Rekasia ne gjuhen Rome, RTK