Numay ki yaver rig ano rami e 8 martesko, mashkarthemutno dive e Juvlengo adikerdile duy marshya ani Prishtinaki diz sar ini ano Prizren.

Kolektivi “Marshirina, na festina', protestinla e ovipea 8 marti Dive e Juvlako. Marshi shrdingya kotar e Hakeski Palata. “ Avdive marshirina, sakova dive festina thay Marshirina na festina sine kharipya e jivlengo ano akava Marshi. Ano akava ovipe vakergya e Elvedina Hajdari koya nekobar ver anavingya pere rome vash e violenca. O marshi phiravdilo ji ko Kosovako raipe.

Ki yaver rig ini ani Prizrenoski komuna organizisalo marshi e ovipea vash o |Mashkarthemutno dive e juvlengo 8 marti. Dikhivdoy e na shukarni pozicia e qhayengo thay romyengo ani Kosova, politikuni pozicia thay ekonomia olengi, violenca pederal o juvla, si but buti vash o angazipe yekhuno kola ajukergyona te realizingon vakerde o aktivistya e Prizrenoske, kola decisinde te marshirinen thay te roden hako vash o polyuno yekhipe thay jivla e Prizreneske. Marshi ani diz Prizren shrdingya kotar o Sheshi Shadrvani,

Autor: Rekasia ne gjuhen Rome, RTK