Gendo e juvlako ano bukyako trego phiravgyola te ovel teluno umlavindoy pe e mushencar. Ayekha vakergya ani yekh konferencia vash o medie, sheruni e Juvlake forumesko ani Kosovaki Demokratikuni Partia, Jehona Lushtaku Sadriu.

Kosovaki Demokratikuni Partia kergya kharipe e Raipeske kay te prezentinel politika may efikasuni thay te ovela seriozuno pratsav, kote puqipe e juvlako te adresingyon ano sa nivelya. Jehona Lushtaku, sheruni e Juvlake Forumesko LDK vakegrya kay sine bayaripe e violencake ovipyengo ano familie palune bersha. Prekal late, sito darake bayaripe e violencako kotar o naklo bersh. Oy kergya pe janipe kay kotar e violenca ani familia duy juvla mudardile thay akava sito but darake. Oy rodingya kotar e raipeski rig may seriozuno pratsav e strukturengo thay e instituciengo prekal o politikuno mangipe. Akava mangipe dikha kay na ne akala duy palune bersha.Violenca te na ovel kotor ano amaro malipe vakergya avdive ani yekh konferencia vash o medie.

Autor: Rekasia ne gjuhen Rome, RTK