Pandar 4 dive aqhile kotar o beshipe mashkar e Kosova thay Srbia ano Ohrid, kote ajukergyola lekanipe mashakar o duy thana, Kosovaki presidenta Vjosa Osmani na ajukerla but kotar e Srbiaki rig.

Osmani pakyala ano mashkarthemutno komuniteti, oy vakergya kay o srbiako presidenti na yaveringya poro pratsav thay na dengya signali kay ka yaverinel, numay prekal laye, akava na neto niso nevo, palo so si ovipe ano akala 12 bersha e dialogesko. Akala komentya oy kergya ano 10to edicia e Jivlake kurkesko, kote lela kotor ini o sheruno ministri Albin Kurti. Ano lako vakeripe, presidenta vakegrya kay kana shungyola avazo e juvlako, progresi sito binashlo: Yekhipe Anglokondicia vash o Bayaripe e demokraciako, kote e Kosova sila obligipe ano phiravdo avansipe e polyune yekhipesko ano than.

Ko mashkar vakti o Kurti vakergya kay nashti te ovel demokracia bizo polyuno yekhipe. Yekhipe polyuno sar vakergya ov sito odova so astarla e phurd vash o amalipesko yekhipe. Vash e Kosova ov pakyala kay sito ano evolviripe thay laqharipe akalesko may sigate se dayekh ver mothavgya o Kurti.

Autor: Rekasia ne gjuhen Rome, RTK