Raportera vash e Kosova ano Evropako Parlamenti, Viola Von Cramon, ajukerla kay beshipe 18to martea ano Ohrid te phanglol e lekanipea.

Raportera vash e Kosova ano Evropako Parlamenti, Viola Von Cramon, sila pakyavipe kay ko beshipe ano Ohrid mashkar o sheruno ministri Albin Kurti thay Srbiako presidenti, Aleksandar Vuciq te phanglol e lekanipea. Oy mothavdili optimisti kay ka ovel ini parafipe e dokunentesko kotar o duy liderya. Von Cramon vakegya vash o RTK kay EU ka mukhel yekh Republika Srbiaki nevi. Mashkar o yaver oy vakergya kay aqhola e Kosovake raipeske te decisinel modeli, numay vakergya kay akava thavd ma te refuzingyol sebepi kay yekh kotar o zorale resipya sito kotor e Brukseleske lekanipesko 2013 thay 2015.

Autor: Rekasia ne gjuhen Rome, RTK