Arakhlola e presidentea Osmani, sherunesombeshipesko Konjufca thay sherune ministrea Kurti

Yekh dive anglo beshipe mashkar e Kosova thay Srbia ano Ohrid, ani Prishtina araklola o biqhaldno Yekhune Amerikake Themyengo vash o Balkani, Gabriel Escobar.

Palo beshipe truyal o yekh ori,Ani yekh yekhuni konferencia e Kosovake presidenta Vjosa Osmani, Escobar vakergya kay ajukerla shukarne rezultatya pao beshipe ano Ohrid. Numay presidenta vakegrya kay vizita e amerikake emisaresko rikonfirminla yekhune anglazipya vash te ovel progresi ano dialogi. Escobar vakergya kay savahst si bahtalo kana araklola ani Prishtina thay shukar ajukerla o beshipe kote payala kay ka ovel produktivuno, mashkar o Albin Kurti thay Aleksandar Vuciq. “ Amen simen resipe te phikoina e pheripea thay sakova rezultati kova anla may pashe rayoneske thay intenzifikinla shaipya vash e Kosova, Srbia, thay rayoni, kay te ovel kotor e Euroatlankune komunitetresko vakegrya o Escobar. Presidenta Osmani vakegrya kay e vizita e Escobareski avdive ano phiko e angazipyengo nekobar masekuno kotar e Kosova mashkarthemutno partneriteti, rikonfirmingya obligipe yekhuno vash te ovel progresi ano dialogi.

Autor: Rekasia ne gjuhen Rome, RTK