Raportera Evropake Parlamentesko vash e Kosova, Viola von Cramon, dengya nota bange boykotipe e avrirendune alosaripyengo ano 4 vrdlorrigune komune e buderipea kotar e rig e Srbyune Lista.

Vakerindoy phanglo akava puqipe ano RTK, Von Cramon vakergya kay Srbyuni Lista na neto registrime te lel kotor ano alosaripya thay akava konsiderinla sar bangipe baro. Vakerindoy phanglo akava puqipe, ano magazini “ Palune Nevipya' ano RTK, Von Cramon mothavgya qhelalo shunipe vash o boykoto akale alosaripyengo kotar e Srbyuni Lista. “ Boykoti ovela akana, pakyava sebepi o decisipe e Beogradesko. Srbyuni Lista na neto regiztrime te lel kotor ano alosaripya thay akava konsiderin sar baro bangipe. Kritikingyum putarde akavutno decisipe, thay kerava ano kontaktiripe e manushencar ano Beograd. Akava manglape sine te ovel shukarno signali vash o sa politikune subyektya thay lenge registrime kandidatya thay manusha ano vrdlorig te inargyon ano institucie. Mothavgya qhelalo shunipe kay e Srbyuni Lista na neto registrime thay na ka lel kotor ano alosaripya thay realuno akava na ne shukarno signali kova dela pakyavipe vakergya e Von Cramon.

Autor: RTK Nevipe